Tuesday 2nd March 2021

    ओम समाज डेन्टल हस्पिटलको सेबा विस्तार    ‘ममाथि शारीरिक हमला नै भयो र ज्यान तलमाथि भयो भने पनि अनौठो नमान्नुहोला’ : प्रधानमन्त्री ओली    एमाले ब्युँतिए ओली नै प्रधानमन्त्री    ‘मिस नेवाः नेपाल ११४१’ को उपाधी कृषा महर्जनलाई    ‘बेस्ट भोटिङ कम्पनी अफ द ईयर' अवार्ड बाट ग्लोबल अनलाईन पे सम्मानित

धारिलो हतियार प्रहार गरी एकजनाको हत्या

Saturday, June 10, 2017 National Power


२७ जेठ, धनुषा – नेपाल–भारत सीमा छेउमा धारिलो हतियार प्रहार गरी धनुषामा एकजनाको हत्या भएको छ । धनुषाको जनकनन्दनी गाउँपालिका–१ एवं साबिकको इनरुवा गाविस–९ को नेपाल–भारत बोर्डर छेउमा गएराति एक पुरुषको हत्या भएको छ ।

गएराति स्थानीय रामबाबु यादवको घरपछाडी अन्दाजी ३० वर्षका पुरुषको धारिलो हतियारले घाँटी रेटेर हत्या भएको प्रहरीले जनाएको छ । घटना लगतै स्थानीय बासिन्दाले प्रहरीलाई जानकारी गराएका थिए । शव पोष्टमार्टमका लागि राति नै जनकपुर अञ्चल अस्पताल ल्याइएको छ ।

घटनास्थल नेपाल–भारत सीमाको एक सय मिटर भित्र अकोना टोलमा पर्छ । घटनास्थलबाट दुई वटा घडीसमेत बरामद गरेको छ । विवादका कारण घटना भएको हुन सक्ने आशंका गरिएको धनुषाका प्रहरीले जनाएको छ ।हत्या भएका व्यक्तिको सनाखत हुन नसकेपनि घटना सीमा छेउमै भएकाले भारतीय नागरिक हुन सक्ने प्रहरीले बताएको छ । घटनाको विषयमा भारतीय प्रहरीसँग समेत समन्वय गरी अनुसन्धान र दोषीको खोजी भइरहेको छ ।