सैनिक विमान दुर्घटना, १ सय २२ को मृत्यु

२५ जेठ, – म्यानमारमा सेनाको विमान दुर्घटना हुँदा १२२ जनाको मृत्यु भएको छ। मृत्यु हुनेमा १४ चालकदलका सदस्य र १०६ जना सेना र उनीहरुका परिवारका सदस्य रहेको म्यानमारका सरकारी अधिकारीहरुले बताएका छन्।

म्यानमारको सेनाले यात्रुका शव र विमानको भग्नावशेष भेटिएको बताएको छ। सेनाको विमान बुधबार अंडमान सागर भएर उडिरहेका बेला सम्पर्क विच्छेद भएको थियो। उक्त विमान यंगुनबाट लक्षिणी म्यानमारको मेइक सहरका लागि उडेको थियो। सेनाको खोजी टीमले मृतकका शव र सामान सागरमा भेटिएको त्यहाँका अधिकारीले जानकारी दिएका छन । प्लेनको मूख्य भागको नभेटिएकोले खोजीकार्य जारी रहेको बताइएको छ। मौसममा कुनै खराबी नआएको हुनाले विमान दुर्घटनाको कारण के थियो भन्ने खुलिसकेको छैन ।
– एजेन्सी