युएईमा कतार एयरवेजका कार्यालय बन्द गराइने निर्णय

जेठ २५ – युएईको नागरिक उड्ययन अथोरिटीले युएईमा रहेका कतार एयरवेजका सबै कार्यालय तत्काल बन्द गराउने निर्णय गरेको छ ।

यसो नगर्दा कतारको आतंकवादी उद्देश्यलाई फाइदा पुग्ने भन्दै अथोरिटीले यस्तो निर्णय गरेको समाचार एजेन्सीहरुले उल्लेख गरेका छन ।

कतारसँग गएको सोमबारदेखि युएई लगायतका सात वटा देशले कतारले आतंकवादलाई सहयोग गरेका भन्दै कुटनीतिक सम्बन्ध तोडेका थिए ।