अमेरिकाले आइसिबिएम विरुद्ध मिसाइल सुरक्षा प्रणालीको सफल परीक्षण गर्यो

१७ जेठ – अमेरिकाले अन्तरमहादेशिय ब्यालेस्टिक मिसाइल (आइसिबिएम) विरुद्ध मिसाइल सुरक्षा प्रणालीको सफल परीक्षण गरेको छ । अमेरिकाले पहिलो पटक आइसिबिएम विरुद्ध सुरक्षा प्रणालीको सफल परीक्षण गरेको सरकारी अधिकारीलाई उद्धृत गर्दै अमेरिकी सञ्चारमाध्यमले जनाएको छ । क्यालिफोर्नियाको हवाई अड्डाबाट जमिनमा आधारित सुरक्षा प्रणालीको सफल परीक्षण गरिएको अमेरिकी मिसाइल सुरक्षा एजेन्सी (एमडिए) ले जनाएको छ । लामो समयको योजनापछि सुरक्षा प्रणालीको परीक्षण गरिएको अमेरिकी रक्षा मन्त्रालय पेन्टागनले जनाएको छ । उत्तर कोरियाले लगातार गरिरहेको मिसाइल परीक्षणका कारण आफूहरुले सुरक्षा प्रणालीको परीक्षण गरेको पेन्टागनको भनाई छ । उत्तर कोरियाको लगातारको मिसाइल परीक्षणका कारण कोरियाली प्रायद्विपमा तनाव भने बढ्दै गएको छ ।

उत्तर कोरियाले यो वर्षको नवौं मिसाइल परीक्षण गरेपछि पेन्टागनले सुरक्षा प्रणालीको परीक्षण गरेको हो । मिसाइल सुरक्षा प्रणालीको परीक्षण निकै महत्वपूर्ण रहेको एमडिएका निर्देशक विक एडम जिमले बताए ।