चाँगुनारायण नपा ८ मा मेयर र उपमेयरमा एमालेको विजय निश्चित

१६ जेठ, भक्तपुर – भक्तपुरको चाँगुनारायण नगरपालिकाका वडा नं. ८ मा एमालेकोे समूह विजयी भएको छ । वडा नं. ८ मा एमालेबाट वडा अध्यक्षको उम्मेदवार रहेका परासर सापकोटाले एक हजार १९६ मत प्राप्त गरी विजयी भए भने उनका निकटतम प्रतिद्वन्द्वी राप्रपाका कुबेर खत्रीले ९३३ मत प्राप्त गरेका छन ।

त्यसैगरी महिला सदस्यमा कृष्णा कार्कीले एक हजार ३७५ मत, दलित महिला सदस्य भगवती परियार एक हजार ३६० मत, सदस्यहरु सत्यराम तसजु एक हजार ३६४ मत र नरेन्द्रबहादुर श्रेष्ठले एक हजार ३७३ मत प्राप्त गरि विजयी भएका छन ।

चाँगुनारायण नगरपालिकामा एमालेका तर्फबाट नगरप्रमुखको उम्मेदवार रहेका सोम मिश्रले सात हजार ४६४ मत र उपप्रमुख विना बास्तोलाले सात हजार ८३६ मतले अग्रता लिएका छन । नेपाली कांग्रेसका नगरप्रमुखका उम्मेदवार राजाराम खड्काले ६ हजार ३९७ मत र उपप्रमुख सरु बाँनियाले ६ हजार ९६५ मतले पछ्याएको छ ।

यस नगरपालिकामा राप्रपाका तर्फबाट नगरप्रमुखका उम्मेदवार रहेएका रबिन्द्रप्रताप शाहले चार हजार ९८१ मत, उपप्रमुखकी उम्मेदवार यवती कार्कीले चार हजार ३२७ मत ल्याएर पछ्याई रहेका छन । नेमकिपाका तर्फबाट नगरप्रमुखको उम्मेदवार रहेका न्हुछे फोजूले तीन हजार ४८९ मत र उपप्रमुख रीता काफ्लेले तीन हजार १५ मत प्राप्त गरी प्रतिस्पर्धामा रहेका  छन ।

चाँगुनारायण नगरपालिकामा वडा नं.१, २, ५ र ७ मा नेपाली कांग्रेसको समूह विजयी भएपनि वडा नं.३, ४, ६, र ८ मा एमालेले समूह नै विजयी हासिल गरेको छ । वडा नं.५ र ७ मा एक एक सदस्यमा एमालेको उम्मेदवार विजयी हासिल गरेको छ । अन्तिम मतगणना जारी रहेको वडा नं. ९ ताथलीलाई नेमकिपाको गढको रुपमा मानिदै आएको छ ।