आज देशभर गणतन्त्र दिवस मनाइदै

 १५ जेठ, काठमाडौं – वि.सं.२०६५ साल जेठ १५ गते ऐतिहासिक संविधान सभाको पहिलो बैठकले एक शताब्दी लामो राजतन्त्रको अन्त्य गरी मुलुकलाई गणतन्त्र घोषणा गरेको थियो।

वि.सं. २०६२/६३ को जनआन्दोलन जगमा गणतन्त्र घोषणा गरेको त्यो ऐतिहासिक दिनको स्मरण गर्दै प्रत्येक वर्ष जेठ १५ गते देशभर विभिन्न कार्यक्रम मनाइन्छ ।

राजतन्त्रात्मक शासन व्यवस्था अन्त्य गर्दै मुलुकको प्रमुख पदमा जनताबाट निर्वाचित प्रतिनिधि रहने व्यवस्था गरिएको दिनको सम्झनामा गणतन्त्र दिवस मनाउँदै आइएको छ।

नेपाली गणतन्त्र नवौँ वर्ष पूरा गरी १०औँ वर्षमा प्रवेश गरेको छ ।