ईस्लाम धर्मावलम्बीको रमजान नेपालमा आजदेखि सुरु

१४ जेठ, नेपालगन्ज – ईस्लाम धर्मावलम्बीहरुको मुख्य पर्व रमजान नेपालमा आजदेखि सुरु भएको छ । रमजान आजदेखि सुरु भएपनि रमजानको तराबी भने हिजोदेखि सुरु भएको छ ।

नेपालगन्जका मुस्लिम अगुवाका अनुसार मुस्लिम बाहुल्य अन्य मुलुकमा हिजो देखि नै रमजान सुरु भएपनि नेपालमा शुक्रबार बेलुका चन्द्रमा नदेखिएका कारण आजदेखि रमजान सुरु भएको हो । हिजरी सम्वतको ८ औं महिना रजबुल मुरज्जबको समाप्तीको भोलिपल्टदेखि रमजानुल मुबारकको महिना सुरु हुन्छ । अन्तिम दिन ईदको रुपमा मनाइन्छ ।
रमजानको महिनामा इस्लाम धर्मावलम्वीहरु बिहान सूर्य उदाएदेखि सूर्यास्त नहुँञ्जेलसम्म प्रत्येक दिन एक महिनासम्म केही नखाइकन व्रत बस्ने गर्छन् ।