Thursday 23rd November 2017

    मिलापकर्मी गीतालाई पत्रकारिता सम्मान    नवु सत्यालको हिजो सम्म................. !    चुनावी प्रचारमा व्यस्त कांग्रेसका प्रधान    संघिय समाजवादीका नेता जीतवीरद्वारा मालेका लालकुमारलाई सहयोग गर्ने घोषणा    मुगाबेको राजिनामासँगै जिम्बावेमा राजनीतिक निकासको आशा

जित्ने भन्दा पैसावाल उम्मेद्वार छान्दै तेह्रथुम काँग्रेस, वैठक स्थलमै माइन्युट च्यातियाे


१० जेठ, तेह्रथुम – स्थानीय तह अन्र्तगत दोश्रो चरणको निर्वाचन यही जेठ ३१ गते हुँदैछ । जस्मा प्रदेश नं १, २, ५ र ७ रहेका छन् । दोश्रो चरणको निर्वाचनको लागि अहिले जिल्ला जिल्लामा उम्मेद्वारको छनौटमा रस्साकस्सी सुरु भएको छ । यस्तोमा प्रदेश नं १ अन्तर्गत तेह्रथुम जिल्लामा पनि गाउँपालिका र नगरपालिकाको उम्मेद्वारको लागि रस्साकस्सी चलिरहेको छ ।

यहि सन्दर्भमा यहि जेठ ९ गते पाेक्लाबुङमा नेपाली काँग्रेसको गाउँपालिका तथा नगरपालिका अन्तर्गतको उम्मेद्वार छानौटका लागि वैठक बोलाइएको थियो ।

उक्त बैठकमा फेदाक गाउँपालिकाको उम्मेद्वार कस्लाइ बनाउने भन्ने विषयमा छलफल हुँदा विवाद उत्पन्न भयो र असन्तुष्ट पक्षले माइन्युट समेत च्यातिदिएको छ ।

के भएको थियो वैठकमा
तेह्रथुम जिल्लाका नेपाली काँग्रेसका गाउँ सभापती  पशुपती भट्टराइले उम्मेद्वार छनौटका लागि वैठक बोलाएका थिए । फेदाक गाउँपालिकाको उम्मेद्वारका लागि पुराना एवं त्यागि काँग्रेसी नेता महेन्द्र कुमार फाेम्बाे सहित, चन्द्र मादेम्बा र केशव भेटवालले आफ्नो दावेदारी प्रस्तुत गरेका थिए ।
महेन्द्र फाेम्बाेलाइ जिल्लामा त्यगी, समाजसेवी एवं पुराना नेताको रुपमा चिनिन्छ भने भेटवालको अधिकांश समय काठमाडौँमा वित्छ । अर्का नेता मादेम्बा केही समय अघि मात्र एमाले परित्याग गरी काँग्रेसमा प्र्रवेश गरेका हुन् । यस्तो अधिकांश जिल्ला नेता, कार्यकर्ता तथा फादेकका जनताले महेन्द्र फाेम्बाेले सजिलै टिकट पाउनेमा ढुक्क थिए ।

तर वैठकनै नवसी एकाएक जिल्ला सभापति ढुङ्गानाकाे निर्देशनमा गाउँपालिका सभापति पशुपती भट्टराइ माइन्युटमा एकल निर्णय गराएर आफ्नो निर्णय सुनाउन आए । केन्द्रमा कृष्ण सिटौला लगाएतका नेतासंग पहुँच भएका भेटवालले एकाएक गाउँपालिकाको उम्मेद््वारको टुङ्गो केन्द्रले लगाउँछ भन्दै आएपछि वैठकको प्रतिक्षामा रहेका फाेम्बाे र मादेम्बा लगाएतका नेता कार्यकर्ता एकाएक अचिम्मित मात्र भएनन् आक्रोसित समेत भए ।
केन्द्रको नीति विपरित निर्णय गरेको भन्दै उनीहरुले माइन्युट समेत च्यातिदिए । जिल्लामा कुनै छलफलनै नगरी, उम्मेद्वारको विषयमा कुनै सल्लाहनै नगरी एकाएक केन्द्रले टुङ्गो लगाउने भन्दै आएपछि केही गढबढ भएको उनीहरुको आशंका छ ।

हो व्यापक छलफल भएर केही निर्णय लिन नसकेमात्र उक्त कुरा केन्द्रमा पुग्छ तर विषयमा प्रवेशनै नगरी एकाएक यस्तो निर्णय आउँदा भेटवालले चलखेल गरेको हुन सक्ने र जिल्ला सभापति लगाएत गाउँ सभापति पनि यसैमा फसेको हुन सक्ने उनीहरुको आशंका छ ।

समाजसेवी महेन्द्र फाेम्बाेको सपना, समृद्ध र विकसित फादेक उनको चाहना
हजुरबुवाको पालादेखिनै मुक्तिसेनामा रहेर नेपाली काँग्रेसको राजनीति गरेको इतिहास फाेम्बाे परिवारसंग छ । हजुरवुवा र वुवाले नेपाली काँग्रेस मार्फत नेपालको प्रजातान्त्रिक आन्दोलनमा होमिएका फाेम्बाेभारतीय सेनामा जागिर खानु भन्दा अघि देखीनै नेपाली काँग्रेसमा सकृय थिए । तत्कालिन नेता विपि कोइराला देखी, गणेशमान सिंह, कृष्ण प्रसाद भट्टराइ समेतले फाेम्बाेको घरमा सेल्टर लिएको इतिहास छ ।

तर घरको आर्थिक अवस्थाका कारण उनी २०२२ सालमा भारतीय सेनामा जागिर खाए । भारतीय सेनामा हुँदा समेत उनले नेपालको प्रजातान्त्रिक आन्दोलन र यसका सहयोद्धाहरुसंग कहिले पनि टाढिएनन् । बरु तत्कालिन नेता गिरिजा प्रसाद कोइरालाले समेत उनको खोजी गर्दै थिए । यहि अवस्थमा आफ्नो जागिर १ बर्ष बाँकी हुँदै २०४९ सालमा भएको स्थानीय निकायको चुनावमा गाविस अध्यक्ष लागि उनलाइ नेपाली काँग्रेसले आग्रह गर्यो र आफ्नो एक बर्षको जागिर छँदै उक्त समयमा तेह्रथुम गाविसको तत्कालिन इसिबु गाविसमा अध्यक्ष समेत जिते । लगत्तै उनले भुपु सैनिकसंघको जिल्ला अध्यक्ष भएर पनि ५ बर्ष काम गरे ।

२०५२ सालमा सुरु भएको माओवादी जनयुद्धको समयमा सबैजना गाउँ छोडेर भागे, तर उनले उक्त समयमा पनि काँग्रेसनै भएर गाउँको सेवा गरीरहे । माओवादीले तत्कालिन अवस्थामा उनलाइ धम्क्यायो, मार्न खोज्यो तर उनको इमान्दारीता, समाजसेवी चरित्र, निष्ठाप्रतिको अविचलनले माओवादी समेत उनीसंग नतमस्तक भयो र आज उनी उक्त गाउँको प्रिय नेता भएका छन् ।
महेन्द्र फाेम्बाे नेपाली काँग्रेसको झण्डामुनी राजनीति गर्ने भएपनि उक्त गाउँपालिकाका उनी सबैका प्रिय व्यक्ति हुन् । के काँग्रेस, के एमाले, के माओवादी सबैले उनलाइ अविभावक सरह ठान्दछन् । यसरी गाउँले माझ प्रिय हुनुमा उनको समाजसेवी भावनाले पनि काम गरेको छ ।

आफ्नो सम्पति स्कुललाइ दान
महन्द्र फाेम्बाेले तत्कालिन इसिबु गाविस एउटा मात्र विद्यालय थियो त्यो पनि मावि मात्र । त्यहाँका विद्यार्थीलाइ उच्च शिक्षा हासिल गर्न सदरमुकाम सम्म पुग्नु पर्ने भएपछि आफ्नो जग्गा स्कुलको सम्पतिको रुपमा दान गरे र माविलाइ आफ्नै पैसा खर्चेर उच्चमावि सकेत बनाए । त्यतीमात्र होइन उनी आज सम्म विना कुनै प्रत्यक्ष फाइदा स्कुलको संचालक समितिमा रहेर काम गरिरहेका छन् ।

फेदाक गाउँ र महेन्द्र फाेम्बाेले निर्माण गरेकाे स्कुल

गाउँका खानेपानीको हाहाकार हुँदा फाेम्बाेले आफ्नो खर्चमा गाउँलेलाइ पानी खुवाएका छन् । उनको यही समाजसेवी छवीलाइ देखेर पछिल्लो समय व्रिटिस वेलफेयरले पनि उनी मार्फत अन्य गाउँमा पनि खानेपानीको प्रबन्ध गर्न लागेको छ ।

सबै कुराले उपयुक्त फाेम्बाेनै
नेपाली काँग्रेस तेह्रथुमका कार्यकर्ताहरु फेदाक गाउापालिकाको लागि खुम्बुमात्रै उपयुक्त मात्र भएको बताउँछन् । अनुभवी, यसअघि गाविसको अध्यक्षको रुपमा काम गरिसकेको, समाजसेवी र गाउँमा सबैका प्रियपात्र भएकोले पनि फाेम्बाेले नै टिकट पाउनुपर्नेमा गाउँले बताउँछन् । यस्तको उक्त गाउँका माओवादी र एमालेका भोटरहरुपनि फाेम्बाे उम्मेद्वार भएर आएमा आफुले पार्टी नहेर्ने र व्यक्ति हेरेर फाेम्बाेलाई नै मत दिने बताउँछन् । यस्तोमा नेपाली काँग्रेस तेह्रथुमले कत्तिको विवेकसम्मत निर्णय गर्छन् हेर्न बाँकी छ ।

प्रस्तुती ः नवराज दुवाडी (९८५११४६७९१)