बल्ब खरिदका लागि सर्वोच्चले बाटो छेकेन

५ जेठ, काठमाडौ – एलइडी बल्ब खरिद पक्रिया स्थगनको माग गर्दै परेको रिटमा सर्वोच्च अदालतले अन्तरिम आदेश जारी गर्न नपर्ने निर्ण सुनाएको छ । अधिवक्ताहरु नारायण चौलागाई र लेखनाथ भट्टराईले सरकारले खरिद विपरित भारतबाट एलइडी बल्ब खरिद गर्न लागेको भन्दै त्यस विरुद्ध अन्तरिम आदेशको लागि सर्वोच्चमा रिट दायर गरेका थिए ।

तर शुक्रबार दिउँसो प्रारम्भिक सुनुवाइ गर्दै न्यायधिष आनन्द मोहन भट्टराईको इजलासले अन्तरिम आदेश जारी गर्न नपर्ने निर्णय गरेको हो । तर सर्वोच्चले यस विषयमा सरकारसंग कारण देखाउ आदेश भने जारी गरेको छ । यसको अन्तिम सुनुवाइ भने आगामी अर्को शुक्रवार हुने बताइएको छ ।