Tuesday 8th July 2025

    डिबी र सुनिताले ल्याए रोमान्टिक गीत ‘म त गाउँले ठिटो’    ‘मिस एण्ड मिसेस गुरुङ २०८२’को खोजी सुरु, असार २६ मा पहिलो अडिसन    १५ सदस्यीय कार्यसमिति चयन गर्दै राष्ट्रिय श्रष्टा तथा प्रस्तोता प्रतिष्ठानको दोस्रो वार्षिक साधारणसभा सम्पन्न    Nepal's First Largest International Level Inclusive Music Award.    “दुरदेखि आएँ प्रिय” निर्देशक खरेलको समाजप्रति एक गहिरो व्यंग्यात्मक दृष्टि

नवलपरासीको कावासोतीमा एमालेको जित,मकवानपुरको राक्सिराङमा कांग्रेसको जित

Friday, May 19, 2017 National Power

५ जेठ, नवलपरासी/मकवानपुर – नवलपरासीको कावासोती नगरपालिकामा नेकपा एमालले जितेको छ । कावासोती नगरपालिकाको मेयरमा एमालेकी चन्द्रा पुन १३ हजार ४१ मत ल्याएर विजयी भएकी छिन् भने उनका निकटतम् प्रतिद्वन्द्वी कांग्रेसका महेन्द्र पोखरेललाई ४४७ मतले हराइन् ।उनका प्रतिद्वन्द्वी पोखरेलले १२४९५ मत पाए ।

त्यसैगरी उपमेयरमा पनि एमालेकै उम्मेदवार विजयी भएका छन् । एमालेका प्रेम शंकर थारु विजयी भएका हुन् । उनले आफ्ना प्रतिद्वन्द्वी कांग्रेसका खगिसरा गुरुङलाई झण्डै २१ सय मतले पराजित गरे । थारुले १३ हजार ४९५ मत ल्याएर उपमेयरमा विजयी भएका हुन् ।

उता मकवानपुरको राक्सिराङ गाउँपालिकामा नेपाली कांग्रेस विजयी भएको छ । चेपाङ समुदायको बाहुल्यता रहेको यो गाउँपालिकाको अध्यक्षमा कांग्रेसका राजकुमार मल्लले ३५३९ मत ल्याएर विजयी भएका छन । उनले आफ्ना निकटतम् प्रतिद्वन्द्वी एमालेका लालबहादुर थापालाई ५९५ मतले हराए । थापाले २९४४ मत पाए ।
त्यसैगरी उपाध्यक्षमा पनि कांग्रेसकै उम्मेदवार विजयी भएका छन् । कांग्रेसकी निर्मला हिमडुङले जीतका लागि ३५३५ मत ल्याइन् । उनले आफ्नी प्रतिद्वन्द्वी एमालेकी सुन्तली चेपाङलाई ५८५ मतले पराजित गरिन् । हिमडुङ २९५० मत ल्याएर उपमेयरमा विजयी भएकी हुन् ।