विभिन्न ठाउँको मतपेटिका संकलन गरिँदै, मतगणना आज र भोली हुने

३१ बैशाख, काठमाडौं – स्थानीय तहको चुनाव अन्तर्गत पहिलो चरणको चुनावको मतदान सम्पन्न भएपछि सबैैतिरको मतपेटिका सम्बन्धित मुख्य निर्वाचन अधिकृत र निर्वाचन अधिकृतको कार्यालयमा ल्याउने काम भइरहेको छ ।
हिमाली तथा पहाडी जिल्लाका विकट मतदान केन्द्रबाट मतपेटिका सङ्कलन गर्नका लागि हेलिकप्टरको व्यवस्था गरेको निर्वाचन आयोगले जनाएको छ । यसअघि मतदान सकिएपछि आजदेखि मतगणना सुरु गर्ने बताए पनि भौगोलिक विकटताका कारण केहि ठाउँका मतपेटिका संकलनमा ढिलाइ हुने भएको छ । ढिलाईपछि ती ठाउँमा भोली बिहानदेखि मात्र मतगणना हुने आयोगले जनाएको छ ।
मतपेटिका प्राप्त भएपछि मुख्य निर्वाचन अधिकृत र निर्वाचन अधिकृतहरुले मतगणना गर्ने विषयमा राजनीतिक दलहरुसँग समन्वय गरी मतगणनाको मिति र समय तोकिने छ । आफ्नो तयारी पूरा भएपछि आज राति वा भोली बिहानबाट मतगणना सुरु गर्ने आयोगले जनाएको छ ।