Wednesday 19th February 2025

    चिठ्ठी’सहित ३० नेपाली चलचित्र नेपाल अफ्रिका अन्तर्राष्ट्रिय चलचित्र महोत्सव २०२५ मा प्रतिस्पर्धा गर्न चयन    धुलिखेलमा आउटडोर स्टुडियो निर्माण गर्ने योजना सार्वजनिक    बैरागी काइँला नागरिक अभिनन्दन ग्रन्थ लोकार्पण तथा प्रतिभा सम्मान र पुरस्कार अर्पण    माधव राज खरेलको शब्द र राजेन्द्र बजगाईको संगीतमा प्रमोद डिजीको नयाँ गीत    साँगे सम्मेलन २०८१ सम्पन्न

सरकारले औषधि आफै किनेर सरकारीअस्पतालका फार्मेसीबाट बेच्ने तयारी गर्यो

Saturday, May 13, 2017 National Power

३० बैशाख, काठमाडौं – सरकारले औषधि आफै किनेर आफै बेच्ने तयारी थालेको छ । औषधि व्यापारीले सयौँ गुणा नाफा लिएको भेटिएपछि विदेशी कम्पनीबाट किन्नुपर्ने औषधि सरकारले सीधै कम्पनीसँग किन्ने र सरकारी अस्पतालका फार्मेसीबाट बेच्ने तयारी भएको स्वास्थ्य मन्त्रालयले जनाएको छ ।

औषधि व्यवस्था विभागका महानिर्देशक नारायण ढकालको संयोजकत्वको सुझाव समितिले दिएको सिफारिसका आधारमा यसरी औषधि बेच्दा ५० प्रतिशत सम्म सस्तो पर्न सक्ने देखिएको स्वास्थ्य मन्त्री गगन थापाले जानकारी दिए । यस्तै सुझाव समितिको सुझाव अनुसार आत्मनिर्भर हुन सकिने औषधिमा स्वदेशी उद्योगकै औषधि प्रयोग गर्ने निर्णय पनि गरिएको स्वास्थ्य मन्त्री थापाले जानकारी दिए ।

तर स्वदेशी औषधिको मुल्य सस्तो र गुणस्तरीय हुनुपर्ने र नेपाली उद्योगको एकाधिकार हुन नदिनेतर्फ पनि मन्त्रालय सचेत रहेको उनको भनाई छ । सुझाव समितिले नेपाली बजारमा बिक्री हुँदै आएका औषधि २२ सय प्रतिशतसम्म बढी मूल्य राखेर बिक्री गर्ने गरेको पत्ता लगाएको छ । क्यान्सर, मिर्गौला लगायत कडा रोगका औषधि धेरै महंगोमा बेच्ने गरेको समितिले जनाएको छ ।