ट्रकले स्कुटरलाई ठक्कर दिँदा श्रीमानको मृत्यु, श्रीमती गम्भीर घाइते

२९ बैशाख, धादिङ – ट्रकले स्कुटरलाई ठक्कर दिँदा त्रिपुरासुन्दरी गाउँपालिका(१ धादिङका रमेश श्रेष्ठको ज्यान गएको छ भने उनकी श्रीमती सुनिता श्रेष्ठ गम्भीर घाइते भएकी छिन ।
बिहीबार चुनाव प्रचार प्रसारमा गएर आउँदा ग १३ प ३०६० नम्बरको स्कुटरलाई बा ३ ख ३५५९ नम्बरको ट्रकले ठक्कर दिँदा घाइते भएका रमेश र सुनितालाई उपचारका लागि अस्पताल लैजाने क्रममा ३० वर्षका रमेशको ज्यान गएको जिल्ला प्रहरी कार्यालय धादिङले जानकारी दिएको छ । घाइतेको सुनिताको सल्यानटार प्राथमिक स्वास्थ्य केन्द्रमा उपचार भइरहेको छ । घाइतेको अवस्था गम्भीर रहेको केन्द्रका डाक्टर श्रृष्टि उपाध्यायले बताएको छ । गम्भीर घाइते भएकी २५ वर्षकी सुनितालाई थप उपचारका लागि हेलिकप्टरबाट काठमाडौ पठाउने तयारी भैरहेको छ ।
दुवै सवारी साधनख त्रिपुरासुन्दरी गाउँपालिका अन्र्तगत त्रिपुरेश्वरमा भएको आमसभा तथा र्‍याली सकेर फर्किएका थिए । ग्रामीण सडकमा स्कुटर चिप्लिएपछि ट्रकले ठक्कर दिएको प्रहरीले अनुमान गरेको छ । दुर्घटनापछि ट्रक र ट्रकका चालकलाई प्रहरीले नियन्त्रणमा लिएको छ ।