Thursday 14th October 2021

    कञ्चनजङ्गा साकोसको छैटौं वाार्षिक साधारणसभा आजबाट सुरु    पोई पर्यो कालेबाट गोपाल ढकाल ‘छन्दे’ बने सर्वोत्कृष्ट हास्यअभिनेता    गायक शिव परियारको माया विक्ने भएछ गीत चर्चासँगै ट्रेण्डिङमा नं १. मा (भिडियो सहित)    जुम ब्युटि एकेडेमिको शाखा बनेपामा बिस्तार     नेपाल योग खेलकुद संघ काठमाडौं समितिको पुनर्गठन सम्पन्न

कांग्रेस र माओवादी कार्यकर्ताबिच झडप हुँदा प्रहरीद्वारा हवाई फायर

Wednesday, May 10, 2017 National Power

२७ बैशाख, गोरखा – चुनाव प्रचारका क्रममा गोरखाको गण्डकी गाउँपालिका–८ घ्याल्चोकको खसटारमा नेपाली कांग्रेस र नेकपा माओवादी केन्द्रका कार्यकर्ताबिच झडप भएको छ । घरदैलो कार्यक्रममा रहेका दुबै पार्टीबिच जम्काभेट भएपछि झडपको अवस्था बनेको हो ।
माओवादी केन्द्रले घरदैलो गरिरहेकै बाटो भएर कांग्रेस कार्यकर्ता पनि घरदैलोमा पुगेको र बाटो पार गरेर अगाडि बढ्ने क्रममा झडप भएको सहायक प्रमुख जिल्ला अधिकारी केशवराज शर्माले बताए । झडपका क्रममा दुबै पक्षले घरेलु हतियारले एक अर्को पक्षलाई आक्रमण गर्न खोजेको स्थानीय बासिन्दाले बताएका छन् । माओवादी कार्यकर्ताहरुले कांग्रेसका कार्यकर्ता चढेको एउटा बोलेरो जिपमा तोडफोड गरेको प्रारम्भिक जानकारी आएको सहायक प्रमुख जिल्ला अधिकारी शर्माको भनाई छ । स्थिति नियन्त्रणमा लिन प्रहरीले दुई राउण्ड हवाईफायर गरेको छ । हवाई फायरपछि दुबै पक्ष तितरवितर भएका थिए । जिल्ला सदरमुकामबाट डिएसपी विरेन्द्र थापाको नेतृत्वमा थप प्रहरी घटनास्थल पठाइएको शर्माले बताए ।