चुनाव प्रचारमा हिँडेको बोलेरो गाडी दुर्घटना पाँच जना घाइते

२७ बैशाख, सिन्धुपाल्चोक  – स्थानीय तहको चुनाव प्रचारमा हिँडेको बोलेरो गाडी बुधबार साँझ सिन्धुपाल्चोकको मेलम्ची– ९ मा दुर्घटना भएको छ। राप्रपाको चुनावी प्रचारखप्रसारका लागि ज्यामिरे हुँदै लाँगर्चे हिँडेको बा१६च ५२७१ नम्बरको बोलेरो मेलम्ची– ९, ज्यामिरे भण्डारी टोल मोडमा दुर्घटना भएको हो। दुर्घटनामा पाँच जना घाइते भएका इलाका प्रहरी कार्यालय मेलम्चीले जानकारी दिएको छ। घाइतेमध्ये एकको अवस्था गम्भीर रहेको छ भने घाइतेलाई उपचारका लागि नेपाली कांग्रेसको चुनाव प्रचारमा रहेको बोलेरोले मेलम्ची अस्पताल पुर्‍याएको इलाका प्रहरी कार्यालयले जनाएको छ।