तिब्र गतिको माइक्रोबसलाई अचानक ब्रेक लगाउँदा दुर्घटना १० जना घाइते

२६ बैशाख, सप्तरी – सप्तरीको रूपनीमा माइक्रोबस दुर्घटना हुँदा १० जना घाइते भएका छन्। झापाबाट काठमाडौंतर्फ गुडेको बा ४ ख ८२३ नम्बरको माइक्रोबस अनियन्त्रित भएर सडकमै पल्टिएको  छ भने घाइतेको स्थानीय स्वास्थ्य संस्थामा उपचार भइरहेको प्रहरीले जनाएको छ। तिब्र गतिमा गुडिरहेको माइक्रोबसलाई अचानक ड्राइभरले ब्रेक लगाउँदा अनियन्त्रित भएर सडक छेउमा पल्टिएको उक्त माइक्रोबसमै सवार यात्रुहरुले बताएका छन्।