Tuesday 20th February 2024

    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान    खबरब्रेकिंग अनलाइन मिडियाका अध्यक्ष तथा प्रधान गैरे सम्मानित    कला सेरेङको कविता तथा गीत सङ्ग्रह ‘कलाका अन्तर्मन’ सार्वजनिक    एल एण्ड एन मोडल एजेन्सीको आयोजनामा ‘के टाउन रनवे २०२४’भव्य र सभ्य रुपमा सम्पन्न

१ सय हेक्टर जग्गामा धानखेती, ९५ हेक्टर बराबरको जलाशयमा माछापालन

Tuesday, May 9, 2017 National Power

२६ बैशाख, धनगढी – प्रधानमन्त्री कृषि आधुनिकीकरण परियोजनाअन्तर्गत धनगढीको कैलालीमा ब्लकका रुपमा एक सय हेक्टर जग्गामा धानखेती र ९५ हेक्टर बराबरको जलाशयमा माछापालन गर्न लागिएको छ ।

धानको खेती गर्न जिल्लाको साविक फूलबारी, पवेरा, रतनपुर गाविस र माछापालनका लागि  गदरिया, हसुलिया, खैलाडलगायतका गाविस छनोटमा परेको जिल्ला कृषि विकास कार्यालयका वरिष्ठ कृषि विकास अधिकृत युवराज पाण्डेले जानकारी दिए ।

कृषक समूह, सहकारी संस्था वा व्यक्ति (कृषक)मार्फत् सञ्चालन हुन लागेको धानखेतीका लागि कृषि विकास कार्यालयले माटो परीक्षण कृषि यन्त्रलगायतको प्राविधिक सहयोग गर्न लागेको छ । खेती गरिने क्षेत्रमा ‘कष्टम हाइरिङ सेन्टर‘को व्यवस्थासमेत गर्न लागिएको छ ।

हाइरिङ सेन्टरबाट सम्बन्धित किसानले धान काट्ने, दाइँ गर्ने, गोडमेल गर्ने, खनजोत गर्नेलगायतका कामका लागि कृषि यन्त्रको सुविधा पाउने बताइएको छ । यसै माछापालनका लागि छनोटमा परेका किसानसँग हाल सम्झौता गर्ने कार्य भइरहेको छ ।

कार्यक्रमअन्तर्गत एक हेक्टर बराबरको जग्गा खनेर ताल बनाउने किसानलाई रु तीन लाखसम्मको अनुदान दिन लागिएको छ । माछापालन कार्यक्रमबाट करिब ४१ कृषक परिवार समेटिन लागेका छन् । ब्लकका रुपमा सञ्चालन हुन लागेको धानखेती र माछापालन कार्यक्रम कार्यान्वयनका लागि चालु आवमा रु छ करोड ४० लाख बजेट विनियोजन गरिएको छ ।