नयाँ शक्ति नेपालका केन्द्रीय परिषद् गुरुङ पुनः माओवादी केन्द्रमा फर्किए

२५ बैशाख, काठमाडौं –  नयाँ शक्ति नेपालका केन्द्रीय परिषद् सदस्य तथा पोखरा उपत्यका नगर विकास समितिका पूर्वअध्यक्ष जीतबहादुर गुरुङ माओवादी केन्द्रमा फर्किएका छन् ।

सोमबार प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’लाई भेटेर गुरुङले आफू माओवादी केन्द्रमै सक्रिय रहने जानकारी दिएको प्रचण्डको सचिवालयले जनाएको छ । नयाँ शक्तिले देशको वैकल्पिक धारको नेतृत्व गर्न नसक्ने भएकाले आफू माओवादी केन्द्रमै फर्किएको गुरुङले बताए । गुरुङ युद्ध कालदेखि नै माओवादीको संगठन निर्माणमा क्रियाशील रहँदै आएका थिए । पछिल्लो समय नयाँ शक्तिमा क्रियाशील थिए ।