Tuesday 20th October 2020

    'मिस्टर एण्ड मिस टिकटक' का लागि ग्लोबल अनलाईन पेबाट भोटिङ खुल्ला    नेपाल टेलिकमले ९० दिनसम्मका लागि अटम अफर उपलब्ध गराउने    आइसोलेसन केन्द्र निर्माणमा सरकार युद्धस्तरमा लाग्नुपर्छ :डा. उपाध्याय    उदयपुरमा स्कार्पियो दुर्घटना हुँदा पाँच जनाको मृत्यु, तीन घाईते    विश्वभर कोरोना संक्रमितको संख्या ४ करोड नजिक

बसको ठक्करबाट मोटरसाइकल चालकको मृत्यु ,एक गम्भिर घाइते

Friday, May 5, 2017 National Power


२२ बैशाख , सिरहा – सिरहाको पूर्व–पश्चिम सडकअन्तरगत कर्जनहा गाउँपालिका २ बन्दीपुरस्थित जनक चोकमा यात्रुबाहक बसले मोटरसाइकललाई ठक्कर दिँदा एक युवकको मृत्यु भएको छ। मृत्यु हुनेमा धनुषाको गनेशमान चारनाथ नगरपालिका पोर्ताहा ८ का २४ वर्षीय सुनील कुमार दास रहेको  जिल्ला प्रहरी कार्यालय सिरहाले जनाएको छ। शुक्रबार बिहान पूर्वबाट पश्चिम जाँदै गरेको मे. १ ख २२२१ यात्रुबाहक बसले ज.९प. ७१८७ नं.को मोटरसाइकललाई ठक्कर दिँदा गम्भीर घाइते भएका दासलाई उपचारका लागि कर्जनहास्थित फूलकुमारी महतो मेमोरियल अस्पताल लैजाने क्रममा बाटोमै मृत्यु भएको प्रहरीले जनाएको छ। बसको ठक्करले दाससँगै मोटरसाइकलमा रहेका वर्ष १८ का दिपेश पासवान गम्भीर अवस्थामा विरटनगरस्थित न्युरो अस्पतालमा उपचार भइरहेको प्रहरीले जनाएको छ। प्रहरीले बस र चालकलाई नियन्त्रणमा राखेर अनुसन्धान गरिरहेको जनाएको छ।