Tuesday 9th August 2022

    हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै    Embassy of Pakistan organized a talk programme on “Kashmirs’ Youm-e-Istehsal”,

अपहरणमा परेका मदन गिरी गोदावारीको जंगलमा सकुशल फेला

Friday, May 5, 2017 National Power

२२ बैशाख, काठमाण्डौँ –  अपहरणमा परेका भनिएका नयाँ शक्ति पार्टी नेपालको तर्फबाट स्थानीय तहको निर्वाचनका लागि उम्मेदवार मदन गिरी गोदावारीको जंगलमा सकुशल फेला परेका छन् ।

सम्पर्कबिहिन रहेका गिरीले शुक्रबार बिहान ६ बजे परिवारलाई फोन गर्दै आफू अपहरणमुक्त भएको र गोदावारीको जंगलमा रहेको बताएका थिए । उनले सम्पर्क गरेपछि प्रहरीको टोलीले उनको उद्दार गरेको महानगरीय प्रहरी परिसरका प्रमुख छविलाल जोशी जानकारी दिए । गिरीलाई हाल परिसरको कार्यालय टेकुमा राखिएको छ ।

‘आज विहान उनले भने म अपहरणमुक्त भएको र गोदावारीको जंगलमा रहेको भन्दै परिवारलाई फोन गरेपछि प्रहरीको टोलीले उनको उद्दार गरेको हो,’ ।

नागार्जुन नगरपालिका वडा नम्बर ७ का वडाध्यक्षका उम्मेदवार गिरी बुधबार बेलुका अज्ञात समूहको अपहरणमा परेको नयाँ शक्ति पार्टीले जनाएको थियो । नयाँ शक्ति पार्टीले जित्ने सम्भावना बढी भएको ठाउँ भएकोले पहिलेदेखि नै नयाँ शक्तिका उम्मेद्वारहरुलाई डर, धम्की दिने गरिएको नयाँ शक्तिको आरोप थियो ।

गिरीले काठमाडौँको सोह्रखुट्टेको कारवासमा बा ११ च ४०२९ नम्बर गाडी धुनका लागि छाडेपछि तीन जना व्यक्तिले भेट्नका लागि बोलाएको र अपहरण गरेको बयान दिएका प्रहरीले जनाएको छ।अपहरणका विषयमा थप अनुसन्धान भइरहेको जनाएको छ ।