कांग्रेसले धादिङ्गमा उम्मेद्वारकाे टुङ्गाे लगायाे, निलकण्ठमा मेयरकाे उम्मेद्वार भिम ढुङ्गाना

१८ बैशाख, धादिङ्ग – नेपाली काँग्रेस धादिङ्गले अागामी बैशाख ३१ गते हुने स्थानीय तहकाे निर्वाचनकाे लागि सबै स्थानीय तहकाे उम्मेेदवारकाे टुङ्गाे लगाएकाे छ । जिल्लाकै महत्वपूर्ण स्थानीय तह मानिएकाे निलकण्ठ नगरपालिकाकाे मेयरमा भिम प्रसाद ढुङ्गानले टिकट पाएका छन् भने उपमेयरमा कल्पना अधिकारीले टिकट पाएकी छिन् । त्यस्तै जिल्लाका अन्य स्थानीय तहहरूमा पनि उम्मेदवारकाे टुङ्गाे लगाएकाे छ ।

धुनीबेसी नगरपालिकामा माधव पाण्डेलाई मेयरको उम्मेदवारीमा उठाउने निर्णय गरेको छ ।
त्यस्तै रुबीभ्याली गाउँपालिकामा कुल बहादुर गुरुङ, खनियाबास गाउँपालिकामा रणबहादुर तामाङ, नेत्रावती गाउँपालिकामा टेकजंग तामाङ, गंगाजमुना गाउँपालिकामा अक्कल तामाङ, त्रिपुरासुन्दरी गाउँपालिकामा बासुदेव तिमिल्सिनालाई उम्मेदवारी उठाउने निर्णय गरेको छ ।

त्यस्तै ज्वालामुखि गाउँपालिकामा विनोद तिमिल्सिना, सिद्धलेक गाउँपालिकाकामा बद्री अर्याल, बेनिघाट रोराङ गाउँपालिकामा देवीप्रसाद सिलवाल, गजुरी गाउँपालिकामा परशुराम सुवेदी, गल्छी गाउँपालिकामा विनोद कार्की, थाक्रे गाउँपालिकामा श्याम रेग्मीलाई उम्मेदवारी उठाउने निर्णय गरेको छ ।