Monday 22nd April 2024

    फान अवार्डको तेश्रो संस्करण असार तेश्रो साता हुदै    चौथो हिमालयन अन्तर्राष्ट्रिय अवार्ड २०८० का उत्कृष्ट पाँच सार्वजनिक    यूएईमा राष्ट्रिय लोक सांस्कृतिक संघको साँस्कृतिक कार्यक्रम भव्यरुपमा सम्पन्न    नेपालमै अब अन्तर्राष्ट्रियस्तरको जिम ट्रेनर प्रशिक्षण    मिष्टर एण्ड मिस नेशनलमा भिड्दै डा. आयुष्नोभा

पाँच लाख बढी मूल्यका तयारी पोशाक लगायत सामान पक्राउ

Friday, April 28, 2017 National Power

१५ बैशाख, धनुषा – भन्सार छलेर ल्याएको पाँच लाख बढी मूल्यका तयारी पोशाक लगायतका सामान शुक्रबार प्रहरीले विभिन्न स्थानबाट पक्राउ गरेको छ ।

नेपाल–भारत सीमा नाकाबाट चोरी तस्करी गरी महोत्तरी र धनुषाका बजारतर्फ लैजादै गरिएका सामान प्रहरी निरीक्षक वीरेन्द्र पनेरु नेतृत्वको विशेष गस्तीले भिट्ठामोड, रामगोपालपुर, जलेश्वर जीरोमाईल, मटिहनी आसपासका स्थानबाट बरामद गरेको हो । भारतबाट भन्सार छलेर भित्र्याएको कोट पाइन्ट, बुट्टे, सिफन एवं कटन साडी, कुर्ता सुरुवाल, धोती, विभिन्न ब्रान्डका खाने तेल, चिनी, पापड साबुनलगायतका सामन बरामद गरेको प्रहरी उपरीक्षक राजकुमार लम्सालले जनाए । स्थानीय तह निर्वाचन तयारीमा सुरक्षा निकाय लागेको मौका छोपेर नेपाल–भारत सीमा आसपासका क्षेत्रमा तस्करको चलखेल बढेको लम्सालले बताए । बरामद सामान जलेश्वर भन्सार कार्यालयमा बुझाइएको छ ।