गोली चलाएर फरार भएका युवक पेस्तोलसहित पक्राउ

१५ बैशाख, बागलुङ – मादक पदार्थ सेवन गरी गोली चलाएर फरार भएका एक युवकलाई प्रहरीले पेस्तोलसहित पक्राउ गरेको छ । बुर्तिवाङस्थित होटल न्यू वुटवल थकाली भान्छा घरमा बुधबार उनले गोली चलाएर फरार भएको थिए ।

पक्राउ पर्नेमा बडीगाड–५ का ३३ वर्षीय श्याम रेश्मीमगर रहेका छन् । उनले चलाएको गोली होटलको भित्तामा लागेको थियो । उनलाई बुधबार नै साँझ मध्यपहाडी लोकमार्गको बुर्तिवाङ–भिमगिठेको खप्तरीबाङबाट पक्राउ गरिएको प्रहरीले बताएको छ। उनको साथबाट जापानमा बनेको एउटा अटोमेटिक पेस्तोल, दुइवटा म्याग्जिन र ११ वटा गोली बरामद भएको प्रहरीले जनाएको छ ।
मंगलबार पनि रेश्मीमगरले एकजना चालकलाई कुटपिट गरेको खुलेको छ । थुनामा राखेर उनीविरुद्ध बिहीबार प्रहरीले अनुसन्धान म्याद थप गरेको जनाइएको छ ।