मोटरसाइकल दुर्घटनामा परी एकको मृत्यु,एक घाइते

१४ बैशाख, पाँचथर – पाँचथरको याङबरक गाउँपालिका–१ स्थित च्याङथापु बजारमा गएराति मोटरसाइकल दुर्घटनामा परी एकजनाको मृत्यु भएको छ भने एकजना घाइते भएका छन् ।

मृत्यु हुनेमा याङबरक गाउँपालिका–२ बस्ने सन्तोष बेघा रहेका छन् भने यस्तै, सोही ठाउँ बस्ने मिलन चुहान घाइते भएका छन् । घाइतेको स्थानीय स्वास्थ्य चौकी च्याङथापुमा उपचार भइरहेको स्थानीयवासीले जानकारी दिए ।फलैँचाबाट च्याङथापु आउने क्रममा मे ८ प ९२३६ नंको मोटरसाइकल अनियन्त्रित भई दुर्घटनामा परेको जिल्ला प्रहरी कार्यालय पाँचथरले जनाएको छ ।