भ्यान र बस आपसमा ठोकिँदा, एकको मृत्यु

१२ बैशाख, सप्तरी – पूर्वपश्चिम राजमार्गअन्तर्गत सप्तरीको कृष्णाराम गाउँपालिका–१ स्थित सीतापुरमा एक भ्यान र यात्रुबाहक बस आपसमा ठोकिँदा सोही गाउँपालिका–३ का २५ वर्षीय ओमप्रकाश चौधरीको मृत्यु भएको छ ।
पूर्वबाट पश्चिमतर्फ जाँदै गरेको ना ५ ख १८२७ नंको यात्रुबाहक बस विपरीत दिशाबाट आउँदै गरेको को १ ज १५५१ नंको भ्यानमा ठोकिएको प्रहरीले जनाएको छ ।ठक्करबाट गम्भीर घाइते भएका चौधरीको सप्तरीको ठेलियास्थित धर्मेश्वर अस्पतालमा राति उपचारका क्रममा मृत्यु भएको हो । घटनामा परी सोही गाउँपालिकाका रवीन्द्र चौधरी घाइते भएका छन् ।उनलाई विराटनगरस्थित गोल्डेन अस्पतालमा उपचारका लागि पठाइएको जिल्ला प्रहरी कार्यालय सप्तरीले जनाएको छ । ठक्कर दिने बस र चालकलाई प्रहरीले नियन्त्रणमा लिएको छ ।