Friday 12th April 2024

    चेतन कार्की र निशा स्मृति पुरस्कार बैशाख १३ गते प्रदान गरिने    नयाँ वर्षको कार्यक्रममा लाईभ सांगितिक प्रस्तुतिका लागि प्रख्यात बलिउड गायक र र्‍यापर मेलो डी नेपालमा    चेम्बर आन्दोलनकै सशक्त नारी हस्ताक्षर उर्मिला श्रेष्ठ चेम्बर उपाध्यक्षमा निर्वाचित (जीवनीसहित)    आध्यात्मिकता र आधुनिकताको सुन्दर संयोजनस् कश्यप एकेडमी    होलिडे ट्रिप नेपाल ट्राभल एण्ड टुर्स प्रालिका प्रवन्ध निर्देशक कार्की सम्मानित

वाइड बडी जहाज खरिदका लागि मन्त्रिपरिषद्ले जमानी बसिदिने

Thursday, April 20, 2017 National Power

७ बैशाख, काठमाडौं  – नेपाल वायुसेवा निगमले खरिद गर्न लागेको वाइड बडी जहाजका लागि मन्त्रिपरिषद् जमानी बस्ने निर्णय गरेपछि सबै बाटो खुलेको निगमले जनाएको छ ।

निगमका प्रवक्ता रविन्द्र श्रेष्ठले एयरबस ए ३३० नामक २ वटा वाइडबडी जहाज खरिद सम्झौता गरिसकेकाले चैतको अन्तिम साता निगम र अमेरिकन कम्पनी एएआर कर्पोरेसनले नेतृत्व गरेको कन्सोर्टियमबीच दुईवटा वाइडबडीको खरिद गर्ने सम्झौता भएको बताए ।

नेपाल वायुसेवा निगमको तर्फबाट महाप्रबन्धक सुगतरत्न कंसाकार र एएआरका तर्फबाट प्रमुख दीपक शर्माले सम्झौतापत्रमा हस्ताक्षर गरेका छन् ।

निगमले गत फागुन ४ गते दुईवटा वाइडबडी जहाज खरिद गर्न एएआरलाई १० लाख अमेरिकी डलर वैना पठाइसकेको छ ।सम्झौताअनुसार पहिलो विमान सन् २०१८ अप्रिलमा र दोस्रो सोही वर्षको मेसम्ममा नेपालमा आइपुग्ने छ ।

प्रवक्ता श्रेष्ठले भने निगमले किन्न लागेको २८० सिट क्षमताको एयरबस फ्रान्सको टुलुज सहरमा छ । २८० मध्ये १६ वटा बिजनेस क्लासका सिट क्षमता रहेको छ।