Saturday 13th April 2024

    चेतन कार्की र निशा स्मृति पुरस्कार बैशाख १३ गते प्रदान गरिने    नयाँ वर्षको कार्यक्रममा लाईभ सांगितिक प्रस्तुतिका लागि प्रख्यात बलिउड गायक र र्‍यापर मेलो डी नेपालमा    चेम्बर आन्दोलनकै सशक्त नारी हस्ताक्षर उर्मिला श्रेष्ठ चेम्बर उपाध्यक्षमा निर्वाचित (जीवनीसहित)    आध्यात्मिकता र आधुनिकताको सुन्दर संयोजनस् कश्यप एकेडमी    होलिडे ट्रिप नेपाल ट्राभल एण्ड टुर्स प्रालिका प्रवन्ध निर्देशक कार्की सम्मानित

जीप दुर्घटना हुँदा दुई जनाको घटनास्थलमा मृत्यु

Thursday, April 20, 2017 National Power


७ बैशाख, सिन्धुली – सिन्धुलीको पिपलभञ्ज्याङको बिपी राजमार्गअन्तर्गत बुधबार एक टाटा सुमो जीप दुर्घटना हुँदा दुई जनाको घटनास्थलमा मृत्यु भएको छ। काठमाण्डौंबाट बर्दिबासतर्फ जाँदै गरेको ना १ ज ५४४४ नंको सुमो गाडी दुर्घटना भएको जिल्ला प्रहरी कार्यालय सिन्धुलीले जनाएको छ। अहिले घटनास्थलमा उद्धार कार्य भइरहेको छ।

मृत्यु हुनेमा जयकुमार यादव र सरोज मण्डल रहेका छन् । तर उनीहरुको ठेगाना भने खुल्न सकेको छैन। दुर्घटनामा धनुषा बलबखर–१ निवासी १९ वर्षीय जितनारायण यादव, सोही ठाउँकै ४० वर्षीय आश्विन यादव, सोही ठाउँकै २० वर्षीय सुरेन्द्र राय यादव र बलबखर–८ निवासी राकेश यादव घाइते भएका छन्। गम्भीर घाइते धनुषाकै सपही–२ निवासी २२ वर्षीय रामवरण मण्डललाई वीरअस्पताल, काठमाडौँमा उपचारका लागि पठाइएको छ।

अन्य चारजनाको भने सिन्धुली अस्पतालमा उपचार भइरहेको, तीनजनाको घटनास्थलबाट उद्धार गरी बर्दिवासतर्फ उपचारका लागि पठाइएको जिल्ला प्रहरी कार्यालय सिन्धुलीले जनाएको छ। घटनास्थलमा नै ज्यान गुमाएका दुईजना पुरुषको टिकटका आधारमा नाम खुलेपनि ठेगाना खुल्न नसकेको र सुमो घुम्तीबाट करिब तीनसय मिटर तल खसेको छ। रातु कमलामाई यातायात सेवा समितिको  सुमो गाडी दुर्घटना भएको छ । घटनाको थप विवरण आउन बाँकी रहेको प्रहरीले जनाएको  छ।