अन्डर १९ को फुटबल खेल्न अमेरिका गएका युवाको दुर्घटनामा परी मृत्यु

६ बैशाख, क्यालिफोर्निया – अमेरिकाको क्यालिफोर्निया राज्यमा भएको कार दुर्घटनामा परी एक नेपाली युवाको ज्यान गएको छ । सोमबार क्यालिफोर्नियाको सान फ्रान्सिस्को क्षेत्रमा भएको कार दुर्घटनामा अन्दाजी २० वर्षका एक युवकको ज्यान गएको हो । पुन थरको युवक बताइए पनि मृतकको परिचय प्रष्ट हुन सकेको छैन ।

बाग्लुङ स्थायी ठेगाना भएका युवक गत वर्ष मात्र अमेरिका आएका थिए । गत वर्ष अन्डर १९ को फुटबल खेल्न अमेरिका आएका उनी स्थानीय रेस्टुरेन्टमा काम गर्ने गर्दथे । सान फ्रान्सिस्कोका समाजसेवी उत्तम कार्कीले बताए।क्यालिफोर्नियाको फार्ट ब्रागबाट डेभिस फर्कने क्रममा विदाको दिन सोमबार दिउँसो उनको दुर्घटनामा परी ज्यान गएको कार्कीले जानकारी दिए।