यात्रुवहाक बस अनियन्त्रीत भई पल्टिदा चालकको ज्यान गयो

६ बैशाख, सिरहा – आफैले चलाएको यात्रुबाहक बसले किचेर सिरहामा चालकको ज्यान गएको छ । आज विहान पूर्वपश्चिम राजमार्ग अन्तर्गत सिरहाको गोलबजार– ३, निपनियाँमा यो दुर्घटना भएको हो ।

काठमाडौंबाट काकडभिटा तर्फ जाँदै गरेको ना.६ ख ४९७७ नम्वरको यात्रुवहाक बस अनियन्त्रीत भई सातपत्रे पुलमा ठोकिएर पल्टिदा बसले च्यापिएर चालक चितवन नारायणगढका सोमलाल ढकालको ज्यान गएको हो ।

आफैले चलाएको बस अनियन्त्रित भई पल्टिन खोज्दा चालकले हामफलेपछि सो बस चालक माथि नै उल्टिएको स्थानीयले जानकारी दिए । यात्रुहरु वसभित्रै रहेकोले कोही यात्रु घाइते नभएको प्रहरीले जनाएको छ ।