आयोगको निर्णय नसच्चिएसम्म सरकार र सदन छोड्ने चेतावनी

५ बैशाख, दाङ – उपप्रधान तथा स्थानीय विकास मन्त्री कमल थापाले सरकार र सदन छोड्ने चेतावनी दिएका छन् ।

थापाले राप्रपा हिन्दू राष्ट्र र राजसंस्था सहितको लोकतान्त्रिक पार्टी भएकोले यस विषयमा निर्वाचन आयोगले गरेको निर्णय नसच्याइए सरकार र सदन दुवै छोड्ने चेतावनी दिएका हुन् ।

रिपोटर्स क्लवले मंगलवार तुलसिपुरमा आयोजना गरेको साक्षात्कारमा बोल्दै उपप्रधान मन्त्री थापाले हिन्दू राष्ट्र र राजसंस्थासहितको लोकतन्त्र पार्टीको आत्मा भएको भन्दै यस विषयमा निर्वाचन आयोगले गरेको निर्णय नसच्याइए निर्वाचनमा भाग नलिने संकेत गरे ।
आयोगको निर्णय नसच्चिएसम्म आफूहरु सरकारमा बस्नु र नवस्नुको कुनै अर्थ नरहेको बताउदै थापाले राप्रपालाई जवरजस्ति आन्दोलन लैजाने कसरत सुरु गरिएको आरोप लगाए ।