Saturday 31st July 2021

    निर्मलालाई एक नारीको खुला पत्र : ‘नारी समाज फुटाउनेले समाज कसरी जोड्न सक्छ ?    विश्वभर फैलियो डेल्टा भेरियन्ट    ओलम्पिकको एकै संस्करणमा जापानले जित्यो अहिलेसम्मकै धेरै स्वर्ण    खिर खाएर साउन १५ मनाइँदै    बागमती प्रदेशका कोरोनाबाट हालसम्म ४ हजार बढीको मृत्यु

कञ्चनपुरमा बसले मोटरसाइकललाई ठक्कर दिँदा दुई जनाको मृत्यु

Tuesday, April 18, 2017 National Power

५ बैशाख, महेन्द्रनगर– महेन्द्रनगरको कञ्चनपुरमा बसले मोटरसाइकललाई ठक्कर दिँदा दुई जनाको मृत्यु भएको छ । बसको ठक्करबाट पूर्णागिरी मन्दिरको दर्शन गरेर मोटरसाइकलमा फर्किरहेका कैलाली हसुलियाका ३७ वर्षीय बसन्त विक र ३५ वर्षीया मिना विकको मृत्यु भएको प्रहरीले जनाएको छ।

बसको ठक्करबाट ३७ वर्षीय विकको घटनास्थलमै र मिनाको उपचारका लागि महाकाली अञ्चल अस्पताल लैजाँदै गर्दा मृत्यु भएको थियो। पूर्वपश्चिम राजमार्ग अन्तर्गत शुक्लाफाँटा नगरपालिका–५ वनसमिति नजिकै सुदूरपश्चिम यातायातको ना ३ ख ३९५५ नम्बरको बसले कैलाली तर्फ गइरहेको से १ प ४५५५ नम्बर मोटरसाइकललाई ठक्कर दिएको थियो।
शव पोष्टमार्टमका लागि महाकाली अञ्चल अस्पतालमा राखिएको छ। परिवारका सदस्यहरुलाई खबर गरिसकिएको र पोष्टमार्टमपछि शव जिम्मा लगाइने प्रहरीले जनाएको छ। ठक्कर दिने बसका चालक फरार रहेका छन् भने बस इलाका प्रहरी कार्यालय झलारीको नियन्त्रणमा राखिएको छ ।