नेप्से परिसूचक १ दशमलव ८६ प्रतिशत घट्यो

५ वैशाख, काठमाडौं – मङ्गलवार नेप्से परिसूचक १ दशमलव ८६ प्रतिशत घटेको छ ।

पहिलो कारोबार देखि निरन्तर ओरालो लागेको बजार १ घण्टाको व्यापारमा परिसूचक ३० दशमलव ६५ अङ्क घटेर १ हजार ६ सय २० दशमलव ९६ विन्दुमा पुगेको छ । यस व्यापार अवधिमा शेयर बजारमा १ सय ५ कम्पनीको रू ३५ करोड ७३ लाख बराबरको शेयर कारोबार भएको हो ।

एभरेष्ट बैङ्कको प्रति कित्ता शेयर रू १ हजार ८ सय ८० मा रू ३ करोड १५ लाख बराबरको शेयर किनबेच भइरहेको छ । जलविद्युत समूहको परिसूचक २ दशमलव ३६ प्रतिशत र बैङ्किङको २ दशमलव २१ प्रतिशत घटेको छ । त्यस्तै, बीमा समूहको परिसूचक १ दशमलव ७७ प्रतिशत, होटलको १ दशमलव ६९ प्रतिशत र विकास बैङ्कको १ दशमलव ६८ प्रतिशत घटेको छ ।