बस दुर्घटना हुँदा १४ यात्रु घाइते

४ वैशाख, बागलुङ – काठेखोला गाउँपालिका–५ जुगेपानीमा सोमबार बिहान बस दुर्घटना हुँदा १४ यात्रु घाइते भएका छन्। काठमाडौंबाट बुर्तिबाङ जाँदै गरेको ना ६ ख ३०६० नम्बरको रात्रिबस बिहु–९ जुगेपानीमा दुर्घटना भएको हो । दुर्घटनामा गम्भीर घाइते भएका बुगांदोभान गाविस ६ गोरेखानीका ४८ वर्षीय जितबहादुर खड्का, बुर्तिबाङ १ का ५० वर्षीय तिलदेवी छन्त्याल, बुगांदोभान ३ का ५५ वर्षीया जोमसरा बुढा र बुर्तिबाङ ७ रिठाबोटका ४३ वर्षीय लीला बीसीलाई उपचारका लागि धौलागिरी अञ्चल अस्पताल बागलुङ ल्याइएको छ। घाइतेहरुको मुख, ढाड लगायतका अगंमा गहिरो चोट लागको छ। चालक निदाएका कारण बस दुर्घटना भएको प्रारम्भिक अनुसन्धानबाट देखिएको जिल्ला प्रहरी कार्यालय बागलुङले जनाएको छ। प्रहरीले चालकलाई नियन्त्रणमा लिएको छ।