Wednesday 22nd May 2024

    १२ औं नेपाल अफ्रिका फिल्म फेस्टिबल–२०२४ असारको पहिलो साता हुने    चलचित्र पत्रकारिता दिवसको अवसरमा चलचित्र पत्रकार संघले भव्यरुपमा मनायो आफ्नो २५ औं वार्षिक उत्सब    कमल एक्चै मगरको निर्देशनमा बनेको चलचित्र ‘शिरफूल’ असार ७ मा    गायक थापाको मर्मश्पर्शी गीत ‘दिलमा आगो’ को म्युजिक भिडियो सार्वजनिक    १५ औं प्रिज्मा डि सिने अवार्ड भव्य रुपमा सम्पन्न

सी.के.राउतलाई राज्यविरुद्धको सगंठित अपराध मुद्दामा अनुसन्धान सुरु

Sunday, April 16, 2017 National Power

३ बैशाख, भैरहवा – स्वतन्त्र मधेश गठबन्धनका संयोजक सी.के.राउतलाई रुपन्देही प्रहरीले राज्यविप्लव (राज्यविरुद्धको सगंठित अपराध) मुद्दामा अनुसन्धान सुरु गरेको छ ।

राउतलाई आइतबार जिल्ला अदालत रुपन्देहीमा राज्यविप्लव मुद्दा दर्ता गरी अनुसन्धान अघि बढाइएको जिल्ला प्रहरी कार्यालय रुपन्देहीका प्रवक्ता एवं प्रहरी नायब उपरीक्षक बेलबहादुर पाण्डेले जानकारी दिए । चैत ३१ गते सिरहा जिल्ला अदालतबाट १० हजार रुपैयाँ धरौटीमा रिहा भएका राउतलाई रिहालगत्तै सिरहा प्रहरीले पक्राउ गरी रुपन्देही प्रहरीलाई बुझाएको थियो ।

प्रहरी स्रोतका अनुसार रुपन्देही प्रहरीले राउतलाई केही विषयमा अनुसन्धान गर्नुपर्ने भएकाले पक्राउ गरी सहयोग गर्न आग्रह गर्दै सिरहा प्रहरीलाई पत्राचार गरेको थियो । सोही पत्रका आधारमा अदालतबाट धरौटीमा रिहा भएलगत्तै राउतलाई पक्राउ गरी बुटवल ल्याइएको थियो । आइतवार रुपन्देही जिल्ला अदालतमा मुद्दा दर्ता गरी अनुसन्धान अगाडि बढाइएको प्रहरीले जनाएको छ ।