Wednesday 10th August 2022

    विद्यालयको व्यवस्थापन समितिको अध्यक्षमा सानुकाजी थापा चयन     हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै

भारत भ्रमणबारे परामर्श गर्दै राष्ट्रपति भण्डारी

Sunday, April 16, 2017 National Power


३ बैशाख, काठमाण्डौँ – भारत भ्रमणबारे आज पुर्ब प्रधानमन्त्री सहित विभिन्न दलका नेतासँग राष्ट्रपति बिद्यादेवी भण्डारीले परामर्श गर्दै हुनुहुन्छ । ५ दिने भ्रमणका लागि सोमबार भारत जान लाग्नुभएकी राष्ट्रपति भण्डारीले आज पुर्व–प्रधानमन्त्री र उप–प्रधानमन्त्रीसँग परामर्श गर्न लाग्नुभएको हो । राष्ट्रपति कार्यालय शितल निवासमा बिहान साढे १० बजे हुने कार्यक्रममा नेपालमा रहेका पुर्व–प्रधानमन्त्री,रामचन्द्र पौडेल, पुर्व–उपप्रधानमन्त्रीहरु वामदेव गौतम,राप्रपा अध्यक्ष कमल थापा र उपेन्द्र यादवलाई बोलाइएको राष्ट्रपतिका प्रेस सल्लाहकार माधव शर्माले जानकारी दिनुभयो । भारतीय समकक्षी प्रणव मुखर्जीको निमन्त्रणामा हुन लागेको राष्ट्रपति भण्डारीको राजकीय भ्रमणका क्रममा कुनै सम्झौता भने नहुने बताएको छ । भ्रमणका क्रममा भण्डारीले राष्ट्रपति मुखर्जीसहित भारतीय प्रधानमन्त्री नरेन्द्र मोदी र अन्य उच्च अधिकारीसँग भेटवार्ता गर्नुहुनेछ ।