आत्मघाती कार बम हमला, सयको मृत्यु

३ बैशाख, – सरकारी नियन्त्रण भएको इलाकाबाट सिरियामा बसबाट बाहिर निस्किरहेका मानिसको समूहमाथि आत्मघाती कार बम हमला भएको छ जसमा कम्तीमा पनि सयजनाको मृत्यु भएको छ । बसमा दुई गाउँमा मानिसहरु थिए जो अन्य सुरक्षित स्थान जानका लागि प्रतिक्षारत थिए ।

विद्रोही र सरकारको नियन्त्रण भएको दुई–दुई इलाकाबाट करिब ३० हजार मानिसहरु निकालिनु पर्ने थियो तर समाचार एजेन्सी एफपीका अनुसार सरकारको कब्जा भएको इलाकामा अहिले पनि पाँच हजार र विद्रोहीको नियन्त्रण भएको शहरमा २ हजार २ सय मानिसहरु फसेका छन् ।
संयुक्त राष्ट्रका अनुसार दैनिकको हिंसा र अभावको चक्करमा ६४ हजारभन्दा धेरै मानिसहरु फसेका छन् ।

एफपीका अनुसार सहायता समूह सिरियन अरब रेड क्रेसेन्ट अगाडि बढ्न प्रतिक्षा गरिरहेका करिब तीन हजार ७ सय मानिसहरुलाई खाना र पानी बाँडिरहेको छ । रिपोर्टका अनुसार यी चार शहरमा खानाको कमीका कारण थुप्रैको मृत्यु भएको छ ।