Thursday 22nd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

बैशाख १ गते देखि उपत्यकामा हर्न बजाउन निषेध

Thursday, April 13, 2017 National Power


३१ चैत, काठमाण्डौँ – (भोली) शुक्रबार अथवा २०७४ बैशाख १ गते देखि उपत्यकामा सवारी साधनले हर्न बजाउन निषेध गरिने भएको छ ।
काठमाडौं उपत्यकाभित्र आकस्मिक बाहेकको अवस्थामा सवारीले हर्न बजाउन नपाउने निर्णय भइसकेको छ ।
०७४ बैशाख १ गते देखि अनावश्यक रुपमा हर्न बजाए कारवाही गरिने महानगरीय ट्राफिक प्रहरीले बताए । आवश्यक र जरुरी अवस्थामा हर्न बजाउने पाइनेछ तर अनावश्यक रुपमा हर्न बजाउन नपाइने भएको छ ।अनावश्यक रुपमा हर्न बजाए ट्राफिक प्रहरी र यातायात ब्यवस्था विभागले ५ सय रुपैयाँसम्म जरिवाना गर्नेछ । यस्ता कारवाहीको रेकर्ड पनि राखिने छ । दोस्रोपटक पनि हर्न बजाएको कारवाहीमा परे १ हजार रुपैयाँ जरिवाना तिर्नुपर्नेछ । तेस्रोपटक कारवाहीमा पर्दा १५ सय रुपैयाँसम्म जरिवाना गरिने यातायात ब्यवस्था विभागले बताएको छ।
यो नियम एम्बुलेन्स, सुरक्षाकर्मी, शव बाहन, दमकललगायत आकस्मिक प्रयोजनमा कुद्ने सवारीका हकमा लागू हुनेछैन ।

ट्राफिक प्रहरीका अनुसार भोलिदेखि सार्वजनिक, सरकारी, पर्यटकबाहक र निजी सवारीले भने दुई अवस्थामा मात्रै हर्न बजाउन पाउनेछन् । सवारीको गम्भिर दुर्घटना हुने गरी खतरा भएमा र सवारी गुडिरहँदा सडकको एक भागबाट अर्कोभाग नदेखिने मोड आएमा मात्रै हर्न बजाउन पाइनेछ । जोखिमयुक्त मोड र चोकहरुमा पनि छोटा हर्न मात्रै प्रयोग गर्न दिइनेछ ।

जथाभावी हर्न बजाउन जरुरी छैन भन्ने सन्देश दिन र त्यसैअनुसार आनीबानी बसाल्न यो ब्यवस्था गरेको ट्राफिक प्रहरीले जनाएको छ । ट्राफिक प्रहरीले सार्वजनिक सवारीको पछाडि हर्न निषेध गरिएको स्टिकर टाँस्ने अभियान पनि थाल्दछ । महानगरपालिकाले शहरका विभिन्न भागमा अनावश्यक हर्न नबजाउन अनुरोध गर्दै ब्यानर लगाएको छ ।