आइपिएलमा पंजावको जीत

२९ चैत, भारत – आइपिएल अन्तर्गत हिजो भएको खेलमा किंग्स इलेभन पन्जाव विजयी भएको छ । इन्दोरमा भएको खेलमा रोयल च्यालेन्जर बंैगलोरले टस जितेर पहिले व्याटिङ गर्दै निर्धारित २० ओभरमा ४ विकेटको क्षतिमा १४८ रन बनायो । उसका लागि एविडि भिलियर्सले सार्वाधिक ८९ रन बनाए भने मन्दिप सिंहले २८ रनको योगदान गरे । पंजावका लागि बरुण अरुण ले २ विकेट लिए भने अक्सर पटेल र सन्दिप शर्माले १–१ विकेट लिए ।

जवाफमा १४९ रनको विजयी लक्ष्य लिएर मैदानमा ओर्लेको पंजावले १४.३ ओभरमा २ विकेट गुमाइ लक्ष्य भेट्टायो । उसका लागि कप्तान ग्लेन म्याक्सवेलले ४३ तथा हासिम आमलाले ५८ रनको योगदान गरे । त्यस्तै ओपनर मनन बोहराले पनि ३४ रनको पारी खेले ।
बैंगलोरका लागि टायमल मिल्स र युजविन्द्र चाहलले १–१ विकेट लिए ।

आइपिएल अन्तर्गत पुने सुपरजाइन्टस् र देल्ली डेयरडेविल्स वीच नेपाली समय अनुसार बेलुका ८ः१५ बजे खेल हुनेछ ।