Wednesday 10th August 2022

    विद्यालयको व्यवस्थापन समितिको अध्यक्षमा सानुकाजी थापा चयन     हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै

हैदरावाद र मुम्बाइको जित

Monday, April 10, 2017 National Power

२८ चैत, भारत – आपिएल अन्तर्गत हिजो भएको खेलहरुमा सनराइजर हैदरावाद र मुम्बाई ईन्डियन्स विजयी भएका छन् । हैदराबादमा भएको पहिलो खेलमा हैदरावादले गुजरात लायन्सलाई ९ विकेटले पराजित गरेको छ ।
टस हारेर पहिले व्याटिङको निम्तो पाएको गुजरातले निर्धारित २० ओभरमा ७ विकेट गुमाएर १३५ रन बनायो । उसका लागि ड्वेन स्मिथले ३७, दिनेश कार्तिकले ३० तथा जेसन रोयले ३१ रन बनाउनु बाहेक अन्यले उल्लेखनीय योगदान दिन सकेनन् ।
हैदरावादका लागि अफगानी लेग स्पिनर रसिद खानले ३ विकेट लिए भने भुवनेश्वर कुमारले २ तथा आशिष नेहराले १ विकेट लिए ।
प्रत्युत्तरमा १३७ रनको विजयी लक्ष्य पछ्याएको हैदरावादले १५.३ ओभरमा १ विकेट गुमाएर लक्ष्य भेट्टायो । उसका लागि कप्तान डेविड वार्नरले नटआउट ७६ रन बनाए भने मोसिस हेर्निक्सले नटआउट ५२ रनको योगदान गरे । गुजरातका लागि एकमात्र विकेट प्रविन कुमारले लिए ।
त्यस्तै हिजै भएको अर्को रोमाञ्चक खेलमा मुम्बाइ ईन्डियन्सले कोलकता नाइट राइडर्सलाई ४ विकेटले पराजित गरेको छ । टस हारेर पहिलो व्याटिङ गरेको कोलकताले निर्धारित २० ओभरमा ७ विकेट गुमाएर १७८ रनको योगफल तयार पारेको थियो । उसका लागि मनिस पाण्डेले सर्वाधिक ८१ तथा क्रिस लिनले ३१ रनको पारी खेले ।
मुम्बाइ ईन्डियन्सका लागि लासिथ मालिङ्गाले २ तथा हार्दिक पाण्डेले ३ विकेट लिए ।
जवाफमा १७९ रनको विजयी लक्ष्य सहित मैदानमा उर्तेको मुम्बालाई १९.५ ओभरमा ६ विकेट गुमाएर लक्ष्य पुरा ग¥यो । उसका लागि नितिश रानाले ५०, पार्थिव पटेलले ३०, जस वटलरले २८ तथा अन्त्य तिर विस्फोटक व्यटिङ गरेका हार्दिक पाण्डेले ११ बलमा २९ रन जोडेका थिए ।
कोलकताका अंकित राजपुतले ३ विकेट लिए ।