स्टकहोम आक्रमणकारी पक्राउ

२७ चैत  – शुक्रबार राजधानी स्टकहोममा गराइएको लरी आक्रमणको घटनापछि पक्राउ गरिएका व्यक्ति हमलाकारी भएको विश्वास बढ्दै गएको स्विडेनको प्रहरीले जनाएको छ।

प्रहरीले पत्रकार सम्मेलनमा पक्राउ गरिएका ३९ वर्षीय पुरुष उज्बेकिस्तानको भएको बताए।

एउटा लरी मध्य स्टकहोममा मान्छेहरुको भीडमा र एउटा पसलमा ठोक्काइँदा कम्तीमा चारजनाको ज्यान गएको थियो भने १५ जना घाइते भएका थिए।

यसअघि संदिग्ध आतंकवादी भएको आशंकामा ती व्यक्तिलाई शहरको उत्तरी क्षेत्रबाट गिरफ्तार गरिएको थियो।

प्रहरीले आक्रमणमा संलग्न भएको आशंकामा अर्का व्यक्ति पनि पक्राउ परेको विवरणलाई पनि पुष्टि गरिसकेको छैन।

आक्रमणपछि प्रधानमन्त्रीको आदेशमा नाकाहरुमा सुरक्षा कडा पारिएको छ।