एमालेले स्थानीय तहको चुनाव सार्न प्रस्ताव गरेको  खुलासा

२५ चैत, रुपन्देही – माओवादीका केन्द्रीय सदस्य वर्षमान पुनःअनन्तले प्रतिपक्षी दल नेकपा एमालेले स्थानीय तहको चुनाव २०७४ कात्तिकमा सार्न प्रस्ताव गरेको खुलासा गरेका छन् ।

शुक्रबार बुटवलमा प्रेस सेन्टर नेपाल पाँच नम्बर प्रदेशलेआयोजना गरेको पत्रकार सम्मेलनमा उनले एमालेको प्रस्ताव ठाडै अस्विकार गरी माओवादी केन्द्र र सरकारले वैशाख ३१ मै चुनाव गर्न दाबी गरेका छन्।

एमालेले चुनावले भित्रि रुपमा स्थानीय चुनाव सार्न प्रस्ताव गर्नु आश्चर्यको बिषय भएको नेता पुनको भनाई थियो ।

पुनले मधेसी मोर्चासँग सहमतिका लागि अर्को साता संसदमा संविधान संशोधनको प्रस्ताव दर्ता हुने बताए । स्थानीय चुनावमा स्थानीय बिशेषता हेरेर कांग्रेस र एमालेसँग तालमेलको सम्भावना रहेको बताउँदै माओवादी एक्लै चुनावमा प्रस्तुत हुने गरी तयारी गरिरहेको पनि उनले बताए।