Thursday 25th April 2024

    फान अवार्डको तेश्रो संस्करण असार तेश्रो साता हुदै    चौथो हिमालयन अन्तर्राष्ट्रिय अवार्ड २०८० का उत्कृष्ट पाँच सार्वजनिक    यूएईमा राष्ट्रिय लोक सांस्कृतिक संघको साँस्कृतिक कार्यक्रम भव्यरुपमा सम्पन्न    नेपालमै अब अन्तर्राष्ट्रियस्तरको जिम ट्रेनर प्रशिक्षण    मिष्टर एण्ड मिस नेशनलमा भिड्दै डा. आयुष्नोभा

आइपिएलमा हैदरावादको विजयी सुरुवात, आज पुने र मुम्बाइवीच खेल हुने

Thursday, April 6, 2017 National Power

२४ चैत, भारत – १० औँ संस्करणको इन्डियन प्रिमियर लिगको पहिलो खेलमा साविक विजेता सनराइजर हैदराबादले विजयी सुरुवात गरेको छ । राजिव गान्धी अन्तराष्ट्रिय क्रिकेट मैदानमा हिजो सम्पन्न खेलमा हैदरावादले गतबर्षको उपविजेता रोयल च्यालेन्जर वैंगोलरलाइ ३५ रनले पराजित गरेको हो ।
टस हारेर पहिले ब्याटिङको निम्तो पाएको हैदरावादले निर्धारित २० ओभरमा ४ विकेट गुमाएर २०७ रनको विशाल योगफल तयार पारेको थियो । उसका लागि युवराज सिंहले सर्वाधिक २७ बलमा ६२ रन बनाएका थिए । त्यस्तै मोसिस हेन्रिक्सले ३७ बलमा ५२ रन बनाउँदा ओपर शिखर धवनले ४० रनको योगदान दिएका थिए ।
बैंगलोरका लागि टाइमल मिल्स, युजविन्दर चाहाल, अंकित चौधरी र स्टुवार्ट विन्नीले १–१ विकेट लिएका थिए ।
जवाफमा २०८ रनको विजयी लक्ष्य पछ्यार मैदानमा उत्रेको बैंगलोरले १९.४ ओभर सबै विकेट गुमाउँदै मात्र १७२ रन बनाउन सक्यो ।
आफ्ना मुख्य खेलाडीहरु विराट कोहली, एविडि भिलियर्स, के एल राहुल, मिचेल स्टार्क लगाएतलाइ चोटले सताएपछि गत बर्षको उपविजेता वैंगलोर सेन वाट्सनको कप्तानीमा मैदानमा उत्रेको थियो ।
क्रिस गेल र मन्दिप सिंहले राम्रो सुरुवात गरे पनि त्यसलाइ ठूलो स्कोरको लक्ष्यले बैंगलोरलाइ दवाव राख्यो र मात्र १७२ रन बनाउन सक्यो । उसका लागि क्रिस गेल सर्वाधिक ३२ रन बनाए । त्यस्तै मन्दिप सिंहले २४, त्रविस हेडले ३०, केदार ज्यादवले ३१ तथा कप्तान सेन वाट्सनले २२ रन बनाए ।
हैदरावादका लागि पहिलो पटक आइपिएल खेलीरहेका अफगानिस्तानका युवा लेग स्पिनर रसिद खानले, आशिष नेहरा, भुवनेश्वर कुमारले २–२ विकेट लिए भने दिपक हुड्डा र विपुल शर्माले १–१ विकेट लिए ।
आइपिएल अन्तर्गत आज पुनेमा मुम्बाइ इन्डियन्स र पुने सुपरजाइन्टस् वीच खेल हुने छ ।