Wednesday 19th January 2022

    भोजपुरी फिल्मका स्टारको गाडीमा आगजनी, खेसारीलाल भन्छन्, 'यो घटनामा मेरो डेढ करोडको नोक्सानी भयो    गायक रेवती घिमिरेको जाला जोबन सार्बजनिक हेर्नुहोस    वैशाखमै स्थानीय तहको निर्वाचन गर्न सत्ता गठबन्धन सहमत    सर्वोच्चमा सेवा कटौतीको गृहकार्य, पूर्ण बैठक बोलाइयो    सामनाले चुमिन सर्वोत्कृष्ट लोकदोहोरी शब्द तर्फको अवार्ड

प्रभावकारी ढंगबाट काम गर्न उपप्रधानमन्त्री थापाकाे निर्देशन

Thursday, April 6, 2017 National Power

२४ चैत,  नुवाकोट – उपप्रधान र सङ्घीय मामिला तथा स्थानीय विकासमन्त्री कमल थापाले संविधान कार्यान्वयनका क्रममा स्थानीय तहसम्बन्धी व्यवस्था कार्यान्वयनमा आउनु ठूलो परिवर्तन भएकाले कार्यालय स्थापना गरेर कार्य सम्पादन हुनका लागि केही समय लाग्ने बताउनुभएको छ ।

विदुरमा जिल्ला समन्वय समितिको कार्यालयको अवलोकन तथा कर्मचारीलाई निर्देशन दिने क्रममा उपप्रधानमन्त्री थापाले सबै स्थानीय तह, प्रदेश र केन्द्र गरी संविधानले तीनवटा सरकारको परिकल्पना गरेअनुसार पहिलो चरणको स्थानीय तह कार्यान्वयनमा आएकाले यो उपलब्धीलाई प्रभावकारी बनाउन निर्देशन दिनुभयो । उहाँले संविधानप्रदत्त स्वायत्त रहने स्थानीय सरकार स्थानीय तहबाट कार्यसम्पादनमा जटिलता उत्पन्न हुने भए पनि सबैको सहयोगमा काम सुरु गर्न जोड दिनुभयो ।

जिल्ला समन्वय समितिका समन्वय अधिकारी केशरबहादुर पण्डितले हाल नुवाकोटमा भइरहेको समग्र वस्तु स्थितिबारेमा जानकारी गराउनुभएको थियो । उहाँले भौगोलिक विकटता, जनशक्ति अभावलगायत कारणले भूकम्पपछिको पुनःनिर्माणमा दोस्रो किस्ताको रकम वितरणमा सुस्तता भएको र नीतिगत अस्पष्टताको बारेमा उपप्रधानमन्त्रीलाई जानकारी गराउनुभएको थियो । कार्यक्रममा नुवाकोटका १२ वटै स्थानीय तहका कार्यकारी अधिकृत, वडा सचिवलगायतको सहभागिता रहेको थियो ।