Tuesday 20th February 2024

    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान    खबरब्रेकिंग अनलाइन मिडियाका अध्यक्ष तथा प्रधान गैरे सम्मानित    कला सेरेङको कविता तथा गीत सङ्ग्रह ‘कलाका अन्तर्मन’ सार्वजनिक    एल एण्ड एन मोडल एजेन्सीको आयोजनामा ‘के टाउन रनवे २०२४’भव्य र सभ्य रुपमा सम्पन्न

सीमा क्षेत्र विकास कार्यक्रम सञ्चालनका लागि तीन करोड २९ लाख विनियोजन

Wednesday, April 5, 2017 National Power

२३ चैत, नेपालगन्ज  – सरकारले २०७२ र०७३ देखि भारतसँग सीमा जोडिएका बाँके जिल्लाका गाविसमा सीमा क्षेत्र विकास कार्यक्रम सञ्चालन गरेको छ । उक्त कार्यक्रमका लागि चालु आव २०७३र२०७४ का लागि जिल्ला समन्वय समितिलाई तीन करोड २९ लाख रकम विनियोजन गरेको छ ।

जिल्लाका १२ गाउँपालिका र नेपालगन्ज उपमहानगरपालिकाका दुई वडा भारत संग सीमा जोडिएका छन् ।

स्थानीय विकास अधिकारी हरि प्याकुरेलले भारतीय सीमा क्षेत्रमा बसोबास गर्ने नेपालीको दयनीय अवस्था रहेको तर सँगै सीमापारी भारतीयहरुको अवस्था त्योभन्दा राम्रो देखिएको कुरालाई दृष्टिगत गरी सरकारले यो कार्यक्रम सञ्चालन गरेको बताए ।

स्थानीय विकास अधिकारी प्याकुरेलले “सीमा क्षेत्र विकास कार्यक्रम सञ्चालन कार्यविधिले प्रष्ट देखिने काम गर्नुपर्ने निर्देशन गरेकाले सोही बमोजिम कार्यक्रम सञ्चालन गर्नुपर्ने बताए।

बाँके जिल्लासहित मुलुकका झापादेखि कञ्चनपुरसम्मका २० जिल्लामा सरकारले सीमा क्षेत्र विकास कार्यक्रम सञ्चालन गरेको छ ।