Tuesday 31st January 2023

    गीतसंगीत कै शिलशिलामा देश तथा बिदेशी हिडिरहेको छु – लोकप्रिय गायक हरि कर्माचार्य    सशस्त्र प्रहरीको सीमा सुरक्षा तथा व्यवस्थापन तालिममा प्रथम भए इन्स्पेक्टर बानियाँ     ग्लोबल कलेज इन्टरनेशनलको आयोजनामा ग्लोबल एनुअल फिएस्टा २०२३ सम्पन्न    हेटौँडाकी सुस्मिताले न्याय पायकोमा मन्जुश्री असहाय संरक्षण केन्द्र द्वारा दिप प्रज्वलन    दशौं म्यूजिक खबर म्यूजिक अवार्डको उत्कृष्ट पाँचको मनोनयन सार्वजनिक

“दशैँ अघि मेलम्चीकाे पानी वितरण गर” – सार्वजनिक लेखा समिति

Wednesday, April 5, 2017 National Power

२३ चैत, काठमाडौं – संसद्को सार्वजनिक लेखा समितिले मेलम्चीको पानी आगामी दसैंभित्रै काठमाडौंबासीलाई वितरण गर्ने गरी काम गर्न निर्देशन दिएको छ।

समिति सभापति डोरप्रसाद उपाध्यायले खानेपानी तथा सरसफाइ मन्त्रालयमार्फत मेलम्ची खानेपानी आयोजनालाई निर्देशन दिइएको मंगलबार जानकारी दिए। समितिले बैठकले आयोजना तोकिएकै समयमा वातावरणमैत्री ढंगबाट सम्पन्न गरी काठमाडौंबासीलाई पानी वितरण गर्न निर्देशन दिएको छ।

आयोजनाको वित्तीय प्रगतिविवरण र आयोजना लागत बढ्नुको कारणसहितको विवरण पेस गर्न पनि समितिले निर्देशन दिएको छ।
समिति बैठकमा खानेपानी तथा सरसफाइ मन्त्रालयका सचिव भीमप्रसाद उपाध्यायले मेलम्ची तोकिएकै समयमा आउनेमा ढुक्क भएर बस्न आग्रह गरे। उनका अनुसार मेलम्ची काठमाडौैंछेउमै आइपुगिसकेको छ।

अब भित्र प्रवेशको औपचारिकता पूरा गर्न मात्रै बाँकी छ। पानी आउनुअगाडि नै आगामी असारमा बागमतीको पानी राखेर उपत्यकाको धारा तथा पानीको पाइपको प्रेसर मापनको परीक्षण हुने भएको छ।

सचिव उपाध्यायका अनुसार सुन्दरीजलमा बनाइएको पानी ट्यांकीमा बागमतीको पानी राखेर परीक्षण गरिनेछ। असारमा बागमतीको पानीको प्रवाह बढ्ने भएकाले पनि यो पानीमार्फत परीक्षण हुने भएको हो।

सुन्दरीजलमा बनाइएको ट्यांकीको क्षमता साढे आठ करोड लिटरको भएकाले दुईपटक काठमाडौंका सबै पानीको धारा तथा पाइपमा पानीको प्रेसर मापन हुने उल्लेख छ। यो आयोजनाका लागि हालसम्म २१ अर्ब रुपैयाँ खर्च भइसकेको छ।आयोजना पूरा गर्न अझै साढे तीन अर्ब रुपैयाँ खर्च हुने सचिव उपाध्यायले बताए। आजको अन्नपूर्ण पोस्ट दैनिकले खबर छापेको छ।