Sunday 2nd April 2023

    तेस्रो हिमालयन अन्तर्राष्ट्रिय अवार्डका उत्कृष्ट पाँच सार्वजनिक    नेपाल माल्टा च्यारिटी अर्गनाईजेसन र कोस्टा क्लिन फाउन्डेसनद्वारा प्याराडाइज बेमा सरसफाइ    ‘रेमिटान्सबाट देश चल्नु भनेको अरुको भरमा पर्नु हो' :वस्तुगत उपाध्यक्षका प्रत्याशी ढकाल    सहकारीहरु नीति विधीमा चल्नुपर्छ : अध्यक्ष दिलिप शर्मा    नेपाल तरुण दल बनेपा नगर सभापति बैजु र माइला कान्छा मानवीय सहयोग समुहले गर्यो खाद्यान्न सहयोग

हतियारकाे नयाँ रूप केमिकल, सिरियामा ५८ काे मृत्यु

Tuesday, April 4, 2017 National Power

२२ चैत, काठमाडौं – सिरियामा विद्रोहीहरुको नियन्त्रणमा रहेको इदलिब शहरमा भएको संदिग्ध रासायनिक हमलामा कम्तिमा ५८ जना मारिएका छन् भने दर्जनाैं घाइते भएका छन् ।

मानवअधिकारवादी संगठनहरुका अनुसार खान शेखौनमा सिरियाली सरकार र रुसी जेटको हमलामा यति ठूलो हताहति भएको हो । उनीहरुको मृत्यु निसास्सिएर भएको बताइएको छ । राष्ट्रपति बशर अल असदका विरोधिहरुको स्थानीय कोअर्डिनेसन कमिटीहरुको नेटवर्कले केही तस्बिरहरु पोष्ट गरेका छन् ।

स्थानीय एम्बुलेन्स सर्भिसका एक सूत्रले बताएअनुसार हमलाको शिकार हुनेमा थुप्रै बालबच्चाहरु थिए जो सडकमै छट्पटाएर मरिरहेका देखिन्थे । घाइते व्यक्तिहरुको उपचार भइरहेको एउटा मेडिकल सेन्टरमा पनि हमला भएको थियो ।

सिरियाको सरकारले रसायनिक हतियारको प्रयोगलाई लगातार इन्कार गर्दै आएको छ । तर, संयुक्त राष्ट्रसंघ र अर्गनाइजेसन फर द प्रोहिविसन अफ केमिकल विपनले अघिल्लो अक्टोबरमा गरेको अनुसन्धानले निश्कर्ष निकालेको थियो कि सन् २०१४ र २०१५ का बीचमा सरकारी सेनाले कमसेकम तीनपटक क्लोरीनलाई हतियारका रुपमा प्रयोग गरेको थियो ।