Sunday 7th August 2022

    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै    Embassy of Pakistan organized a talk programme on “Kashmirs’ Youm-e-Istehsal”,    Embassy of Pakistan organized a talk programme on “Kashmirs’ Youm-e-Istehsal”,

निर्वाचनमा उम्मेदवार बन्न तीन जना शिक्षकले जागिर छाडे

Tuesday, April 4, 2017 National Power

 

२२ चैत, काँकडभिट्टा – आउँदो वैशाख ३१ गते हुने स्थानीय तहको निर्वाचनमा उम्मेदवार बन्ने लक्ष्यका साथ झापामा दुई प्रधानाध्यापकसहित तीन जना शिक्षकले जागिर छाडेका छन् ।

राजनीतिमा होमिने लक्ष्यका साथ उनीहरूले जागिरबाट हालै राजीनामा दिएका छन् ।

राजीनामा दिनेमा बुद्ध आधारभूत विद्यालय घेराबारीका प्रधानाध्यापक कालिन्द्रसिंह राजवंशी, अर्जुनधारा नगरपालिकाको शिवनारायण प्राविकी प्रधानाध्यापक सरस्वती सिटौला शिवसताक्षी नगरपालिका–६ मा रहेको जनआदर्श माविका शिक्षक लोकबहादुर रोक्का रहेका हुन् ।

उनीहरूमध्ये सिटौला र राजवंशी नेपाली काँग्रेस र रोक्का एमाले बाट उम्मेदवार बन्न लागेको खुलस्त बताउँछन् ।

विद्यार्थी जीवनदेखि नै राजनीतिमा क्रियाशील उहाँलाई पार्टीले गाउँपालिकाको अध्यक्ष पदको उम्मेदवार बनाउँछ भन्नेमा विश्वास छ ।

उनीहरु भन्छन्, “पार्टीभित्र थुप्रै आकांक्षी हुनुहुन्छ, जागिर नै छाडेर आएको हुँदा मूल्याङ्कन हुन्छ जस्तो लाग्छ ।”

जिल्ला शिक्षा कार्यालयका अधिकृत दिनेश आचार्यले तिनै जना शिक्षकको राजीनामा स्वीकृत भइसकेको बताए ।