Saturday 13th April 2024

    चेतन कार्की र निशा स्मृति पुरस्कार बैशाख १३ गते प्रदान गरिने    नयाँ वर्षको कार्यक्रममा लाईभ सांगितिक प्रस्तुतिका लागि प्रख्यात बलिउड गायक र र्‍यापर मेलो डी नेपालमा    चेम्बर आन्दोलनकै सशक्त नारी हस्ताक्षर उर्मिला श्रेष्ठ चेम्बर उपाध्यक्षमा निर्वाचित (जीवनीसहित)    आध्यात्मिकता र आधुनिकताको सुन्दर संयोजनस् कश्यप एकेडमी    होलिडे ट्रिप नेपाल ट्राभल एण्ड टुर्स प्रालिका प्रवन्ध निर्देशक कार्की सम्मानित

वीरगन्ज भन्सारबाट दुर्लभ चितुवाको छाला र हड्डी बरामद

Tuesday, April 4, 2017 National Power

२२ चैत,  पर्सा  – वीरगन्ज भन्सारको परिसरबाट प्रहरीले चितुवाको छाला र हड्डी ठूलो परिमाणमा बरामद गरेको छ ।

नेपाल प्रहरीको केन्द्रीय अनुसन्धान ब्युरो सिआइबीले दिएको सूचनाका आधारमा पर्सा प्रहरीले वीरगन्ज भन्सार परिसरको खुला स्थानबाट बेवारिसे अवस्थामा दुई थान चितुवाको छाला र ३४ किलो हड्डी बरामद गरेको हो ।

भन्सार परिसरको यार्डमा दुइवटा थोत्रो टिनको बाकसभित्र राखिएको १६ वटा पोकामा रहेको हड्डी र छाला आज बरामद गरिएको पर्साका प्रहरी उपरीक्षक गोविन्दकुमार साहले जानकारी दिनुभयो । बरामद चितुवाको छाला र हड्डी आवश्यक कार्बाहीका लागि आजै जिल्ला वन कार्यालय पर्सामा बुझाइएको उपरीक्षक साहले बताउनुभयो ।

वन्यजन्तुको चोरी सिकारी गर्नेले मकवानपुरको जङ्गलमा चितुवा मारेर त्यसको छाला र हड्डी भारत हुँदै तेस्रो मुलुकमा तस्करी गर्ने क्रममा भन्सार परिसरमा राखेको हुनसक्ने आशङ्का रहेको पर्सा प्रहरीले जनाएको छ ।

काठमाडौँमा सिआइबीको टोलीले एक भारतीय नागरिकसहित तीन जनालाई नियन्त्रणमा लिएर सोधपुछ गरेपछि उनीहरुले दिएको बयानका आधारमा वीरगन्ज भन्सार परिसरमा चितुवाको हड्डी र छाला रहेको सूचना पाएपछि सोही सूचनाका आधारमा छाला र हड्डी बरामद गरेको प्रहरीले जनाएको छ ।