पहिरोमा परि घाइतेहरुको उद्धार गर्न नेपाली सेनाको हेलिकप्टर घटनास्थल पुग्यो

२१ चैत, काठमाडौं – नेपाली सेनाको हेलिकप्टर  नारायणगढ–मुग्लिन सडकखण्डमा खसेको पहिरोमा परि घाइते भएकाहरुको उद्धार गर्न घटनास्थल चितवनको कविलास पुगेको छ ।
आज बिहान पहिरो खस्दा घाइते भएकाहरुको शिघ्र उपचार गर्न गृहमन्त्री विमलेन्द्र निधीले निर्देशन दिएपछि हेलिकप्टर चितवन पठाइएको नेपाली सेनाका प्रवक्ता झंकरबहादुर कडायतले हामीलाई जानकारी दिए ।
घटनास्थलमा उद्धारका लागि नेपाली सेना, नेपाल प्रहरी र सशस्त्र प्रहरी बलका प्रहरी त्यहाँ पुगिसकेका र तनँहुबाट सडक पन्छाउने डोजरहरु पनि आइसकेको गृहमन्त्रीका प्रेस सल्लाहकार रामजी दाहालले जानकारी दिए ।