त्रिभुवन विमानस्थलमा चितुवा पसेपछि केहीबेर उडान र अवतरण अवरुद्ध

२१ चैत, काठमाडौं – त्रिभुवन विमानस्थलमा चितुवा पसेपछि केहीबेर उडान र अवतरण अवरुद्ध भएको छ। बिहान करिव ८ बजे वुद्ध एयरका पाइलटले धावनमार्ग नजिकै चितुवा देखेपछि एटिसीलाई खवर गरेका थिए।

धावनमार्ग र ड्रेनमा देखिएको चितुवा अहिले हराएको छ। विमानस्थल क्लोज गरेर करिव आधा घण्टा चितुवाको खोजी गरे पनि भेटिएको छैन । विहान वुद्ध एयरका पाइलटले चितुवा जस्तो देखियो भनेर खवर गरे विमानस्थलका प्रवक्ता प्रेमनाथ ठाकुरले भने,चितुवा हो भन्ने नै कन्फर्म भएको छैन। बन कार्यालयबाट अधिकारीहरु बोलाएका छौं। उनका अनुसार अहिले विमानस्थल सुचारु भएको छ। चितुवा लुकेको अनुमान गरिएको स्थानमा प्रहरी र सिकारी परिचालन गरिएको छ। प्रहरी सहितको सिकारी टोलीले चितुवाको खोजि गरिरहेको छ। विमानस्थलमा पटक पटक जनावर छिर्न थाले पछि सिकारीको व्यवस्था गरिएको थियो।